සෞදි ඔටුන්න හිමි කුමරු මුහම්මද් බින් සල්මාන්ගේ පාකිස්තාන සංචාරය කල් දැමීම පාකිස්තාන සභාග ආණ්ඩුව සහ ප්රධාන විරුද්ධ පක්ෂය වන පාකිස්තාන් ටෙහ්රීක්-ඊ-ඉන්සාෆ් (PTI) අතර ගැටුමක් නිර්මාණය කර ඇති බව වාර්තා වේ.
මොහොමඩ් බින් සල්මාන්ගේ පාකිස්ථාන සංචාරය පාකිස්තාන් ටෙහ්රීක්-ඊ-ඉන්සාෆ් හි ඉස්ලාමාබාද් දෙසට සංවිධානය කල දිගු පාගමනක් හේතුවෙන් කල් දමා ඇති බව පකිස්ථාන මුස්ලිම් ලීගය-නවාස් (PML-N) ජ්යෙෂ්ඨ නායක සහ ආරක්ෂක අමාත්ය කවාජා අසීෆ් පසුගියදා ප්රකාශ කිරීමත් සමඟ මෙම ගැටුම ආරම්භ වූ බව පැවසේ.
ට්විටර් පණිවුඩයක් නිකුත් කරමින් අසීෆ් පැවසුවේ, වසර හතකට පෙර ඉම්රාන් ඛාන්ගේ උපවාසයක් නිසා චීන ජනාධිපති ෂී ජින් පිංගේ පාකිස්තාන සංචාරය අවලංගු කිරීමට හේතු වූ අතර දැන් නොවැම්බර් 21 පෙළපාලිය ප්රකාශයට පත් කිරීම හේතුවෙන් සෞදි ඔටුන්න හිමි කුමරුගේ සංචාරය කල් දමා ඇති බවයි.
සෞදි ඔටුන්න හිමි කුමරු මෙන්ම අග්රාමාත්ය මුහම්මද් බින් සල්මාන්ගේ පාකිස්තාන සංචාරය කල් දමා ඇති බව විදේශ කාර්යාලය තහවුරු කර තිබිණ.