අමෙරිකානු ජනාධිපති ජෝ බයිඩන්ගේ ඩෙලවෙයාර් හි පිහිටි නිවසේ තිබී රහසිගත ලේඛණ 06ක් සොයාගෙන තිබෙනවා.
විදෙස් මාධ්ය සඳහන් කළේ අමෙරිකා එක්සත් ජනපද අධිකරණ දෙපාර්තමේන්තුවේ විමර්ශකයින් පිරිසක් විසින් බයිඩන්ගේ නිවස පැය 13ක පමණක කාලයක් සෝදිසි කර ඇති බවයි.
එහිදී මෙම රහසිගත ලේඛන සොයාගෙන තිබෙනවා.
බයිඩන් සෙනට් සභිකයෙක් ලෙස සිටි කාලයට සහ උප ජනාධිපතිවරයෙක් ලෙස කටයුතු කළ කාලයට අයත් ලියකියවිලි කිහිපයක් ඒ අතර ඇති බවයි වාර්තා වන්නේ.
වැඩිදුරටත් විදෙස් මාධ්ය සඳහන් කරන්නේ මීට පෙර අමෙරිකානු ජනාධිපතිගේ වොෂින්ටන් හි පිහිටි නිවසේ තිබී ද රහසිගතව ලේඛන කිහිපයක් සොයාගත් අතර අදාළ ලේඛන නිවෙස් තුළ තබා ගැනීමට හේතුව මෙතෙක් අනාවරණය වී නොමැති බවයි.
මෙලෙස සොයාගත් ලේඛන සියල්ල ජාතික ලේඛනාගාරයට සහ අධිකරණ දෙපාර්තමේන්තුවට භාරදී තිබෙනවා.