එන්නත්කරණය සඳහා යුද හමුදාවට අයත් නොපුහුණු අය අනුයුත්තකර ඇති බවට එල්ලවන චෝදනා ප්රතික්ෂේප කරන බව ආරක්ෂක ලේකම්, (විශ්රාමික) ජෙනරාල් කමල් ගුණරත්න මහතා පවසනවා.
ඒ, ආරක්ෂක අමාත්යාංශයේ පැවැති මාධ්ය හමුවකට එක්වෙමින්.
ඒ සඳහා පුහුණුව ලත් යුද හමුදා භට පිරිසක් යුද හමුදා වෛද්ය බලකාය විසින් එන්නත්කරණය සඳහා යොදා ඇති බවයි ඔහු පවසන්නේ.
රටේ ජාතික ආරක්ෂාව තහවුරු නොකර රටක් දියුණුවීම පිළිබඳ සිතිය නොහැකි බවත් වසංගතයක් හේතුවෙන් ජනතාව මියයෑම පවා ජාතික ආරක්ෂාවට තර්ජනයක් බවත් පැවසු කමල් ගුණරත්න මහතා, එවන් මොහොතක අවශ්ය සේවාවන් සඳහා හමුදාව යෙදවීම රජයේ වගකීමක් බව වැඩිදුරටත් අදහස් දක්වමින් පවසන ලදි.