චීනය සහ ඇෆ්ගනිස්තානය අතර පැවැති හොද හිත පළුදු වෙමින් ඇතැයි විදෙස් මාධ්ය පවසයි.
ඒ අනුව ඇෆ්ගනිස්තානය වෙත සිදු කරන ආයෝජන හා සහයෝගිතාවන්ට චීනය විරාමයක් තබා ඇතැයි ද විදෙස් මාධ්ය වාර්තා කරයි.
ඊට හේතු වී ඇත්තේ චීනයේ ආරක්ෂක අවශ්යතා ඉටුකිරීමට තලෙයිබාන් සංවිධානය අපොහොසත් වීම හේතුවෙන්.
ඒ සම්බන්ධයෙන් චීනය තලෙයිබාන් සංවිධානය සමග නොසතුටින් පසුවන බව ද විදෙස් මාධ්ය වාර්තා කර ඇත.
පවතින තත්ත්වය අනුව තලෙයිබාන් සංවිධානය සමග ගනුදෙනු කිරීමේදී චීනය අතිශයින් ප්රවේශම් සහගත වෙමින් සිටින බව ද වාර්තා වෙයි.
ඒ අනුව චීනය මේවනවිට ඇෆ්ගනිස්තානයේ කිසිදු මහා පරිමාණ ආයෝජනයකට අත නොතබන බව ද පැවසේ.
මාධ්ය හමුවකට එක්වෙමින් චීනයේ විදේශ කටයුතු අමාත්යාංශයේ ප්රකාශකයෙකු සදහන් කළේ ETIM නමැති ත්රස්ත කණ්ඩායම ඇෆ්ගනිස්තානයෙන් පළවා හැරීමට තලෙයිබාන් සංවිධානය මෙතෙක් ක්රියා කර නොමැති බවයි.
ඒ සම්බන්ධයෙන් චීනය දැඩිව කණගාටු වන බව ද ඔහු මාධ්ය හමුවේ දී පවසා තිබේ.
කෙසේවෙතත් චිනය හෝ වෙනත් රටක් ඉලක්ක කර ප්රහාර එල්ල කිරීමට ඇෆ්ගන් භූමිය භාවිත කිරීමට කිසිදු ත්රස්ත කණ්ඩායමකට අවස්ථාව ලබා නොදෙන බවට තලෙයිබාන් සංවිධානය දුන් පොරොන්දු ඉටු කරනු ඇතො බවයි චීනය අවධාරණය කර ඇත්තේ.