එක්සත් රාජධානිය විසින් බහරේනය, ඊජිප්තුව, ශ්‍රී ලංකාව ඇතුළු රටවල් හතක් ඊයේ (03) දිනයේ රතු ලැයිස්තුවට ඇතුළත් කිරීමට කටයුතු කරන ලදී.
එරට ප්‍රවාහන දෙපාර්තමේන්තුව සිය හරිත,කහ සහ රතු ලැයිස්තු පිළිබඳ සමාලෝචනය ඊයේ දිනයේ ප්‍රකාශයට පත් කළ අතර ඒ අනුව සිදුවන වෙනස්කම් ඉදිරි සතිය තුළ බලාත්මක කිරීම සිදු කරයි.
ඇෆ්ගනිස්ථානය, කොස්ටාරිකාව, සුඩානය, ට්‍රිනිඩෑඩ් සහ ටොබැගෝ රතු ලයිස්තුවට එක් වූ සෙසු රටවල් වේ.
කොවිඩ් අවදානම වැඩිම රටවල් වන රටවල් 50 ක් ඒ අනුව එක්සත් රාජධානියේ රතු ලයිස්තුවට එක් වී සිටියි. එයට දකුණු ඇමරිකාව, අප්‍රිකාවේ රටවල් බොහෝමයක් මෙන්ම එක්සත් අරාබි එමීර් රාජ්‍යය, කටාර් සහ තුර්කිය යන සංචාරක කේන්ද්‍රස්ථාන ද ඇතුළත් ය.
මෙම සංශෝධනයට පෙර, ඉන්දියාව ලයිස්තුවට එක් කළ නවතම එකතු කිරීම විය.
රතු ලැයිස්තුගත රටවලින් එක්සත් රාජධානියට පැමිණෙන සියලු දෙනා එක් පුද්ගලයෙකුට යූරෝ 1,750 ක වියදමින් රාත්‍රී 11 ක් සඳහා හෝටල් නිරෝධායනයට යා යුතුය.
