සිතුල්පව්වේ පරිවාර දාගැබක් වන ‘මඟුල් මහා සෑය’ හාරා නිධන් වස්තු සෙවීමේ චෝදනාවට අත්අඩංගුවට පත් සැකකරුවන් 07 දෙනා මේ මස 07වනදා තෙක් රක්ෂිත බන්ධනාගාරගත කරන ලෙස තිස්සමහාරාම මහේස්ත්රාත් හා අතිරේක දිසා විනිසුරු කාංචනමාලී ගුණසේකර මහත්මිය නියෝග කර ඇත.
මෙම අපරාධකරුවන් දැබැබේ ගර්භය බිඳ, එහි තැන්පත් කර තිබූ නිධන් වස්තු යම් ප්රමාණයක් සොරා ගෙන, බිඳ දැමූ කොටස ප්ලාස්ටර් පැරිස් යොදා වසා දමා නික්ම යන්නට උත්සාහ ගත් අවස්ථාව්දී සිතුල්පව්ව රජමහා විහාරයේ ආරක්ෂාවට අනුයුක්ත කර ඇති හමුදා නිලධාරියෙක් සිද්ධිය දැක ප්රශ්න කිරීමේදී සැකකරුවෙක් අල්ලා ගෙන ඇති අතර අනෙක් පිරිස පළා ගොස් ඇත.
ප්රශ්න කිරීම්වලින් අනතුරුව මෙම සිද්ධියට අදාළ තවත් සැකකරුවන් දෙදෙනකු කිරින්ද පොලීසිය මගින් අත්අඩංගුවට ගත් අතර පසුව වැඩිදුර ප්රශ්න කිරීමේදී ලබාගත් තොරුතුරු ඔස්සේ සිද්ධියට යොදාගත් ජිෆ් රථය සමග ඉතිරි සැකකරුවන් අත්අඩංගුවට ගැනීමට තිස්සමහාරාම පොලිසියේ අපරාධ අංශයේ නිළධාරීන් සමත්ව තිබේ.
පසුව සැකකරුවන්ගෙන් ප්රකාශ සටහන් කර ගැනීමෙන් අනතුරුව ඔවුන්ව තිස්සමහාරාම මහේස්ත්රාත් අධිකරණයට ඉදිරිපත් කර ඇත.