සිංහල රාවය, සිංහලේ සංවිධානය, බෞද්ධ තොරතුරු කේන්ද්‍රය වැනි සංවිධාන කිහිපයක් කොවිඩ් 19 ආසාදිතව මිය ගිය පුද්ගලයන්ගේ මෘත දේහ භූමදානය කිරීමට විරෝධය පා ඊයේ (24) ශ්‍රී ලංකා මානව හිමිකම් කොමිෂන් සභාව වෙත පැමිණිල්ලක් ඉදිරිපත් කළා.
අදාල පැමිණිල්ල මඟින් ඔවුන් ඉල්ලා ඇත්තේ 2021.02.25 දිනැති අංක 22/6/38 දරණ අතිවිශේෂ ගැසට් පත්‍රය අහෝසි කරන ලෙසයි.
එහෙන්ම 2020.04.11 දිනැති අංක 2170/08 දරණ අතිවිශේෂ ගැසට් පත්‍රයේ සදහන් පරිදි අනිවාර්ය ආදාහනය බලාත්මක කිරීම හෝ භූමදානය නතර කිරීම සහ ආදාහනය අනිවාර්ය කිරීමේ නව ගැසට් පත්‍රයක් නිකුත් කරන ලෙසයි.
එමෙන්ම කොවිඩ් 19 ආසාදිතව මියයන පුද්ගලයන්ගේ මෘත දේහ භූමදානය කිරීමට සුදුසු වන්නේ දැයි දේශීය වශයෙන් නිසි පරීක්ෂණයක් මගින් තහවුරු කරන තෙක් අදාල මෘත දේහ භූමදානය කිරීමෙන් වළක්වන ලෙසද පැමිණිල්ල මඟින් ඉල්ලා තිබෙනවා.
