සුපිරි බොලිවුඩ් රංගන ශිල්පියෙක් වන ෂාරුක් ඛාන් ඇතුළු බොලිවුඩයේ ජනප්‍රිය නළු නිළියන් රැසකට ‘කොවිඩ් 19’ වයිරසය ආසාදනය වී ඇතැයි ඉන්දීය මාධ්‍ය වාර්තා කරනවා.
ෂාරුක්ට අමතරව, ‘කොවිඩ් 19’ ආසාදිතයන් ලෙස හදුනා ගෙන ඇත්තේ කත්‍රිනා කයිෆ්, කාර්තික් ආර්යාන්, ආක්ෂේ කුමාර් සහ ආධිත්‍ය රෝයි කුමාර්ය. මොවුන් ආසාදිතයන් බව තහවුරු හඳුනා ගැණුනේ පසුගිය දින කිහිපයේදීයි.
ෂාරුක් ඇතුළු සෙසු නළු නිළියන්ගේ තත්ත්වය බරපතල නොවන බව ද මාධ්‍ය වාර්තා වැඩි දුරටත් වාර්තා කරනවා.
දිගු නිහැඩියාවකින් පසු ෂාරුක් ඛාන් ප්‍රධාන චරිත නිරූපණය කරන චිත්‍රපට තුනක් එක පෙළෙට එළිදැක්වීමට නියමිතය. ඒ, ලබන 2023 දීය. ‘පතාන්’, ‘දුන්කී’ සහ ‘ජවාන්’ යනු එම චිත්‍රපට ත්‍රිත්වයයි.
