මත්ද්රව්ය චෝදනා සම්බන්ධයෙන් අත්අඩංගුවට ගත් සුපිරි නළු ශාරුක් ඛාන්ගේ පුත් ආර්යන් ඛාන් අද (20) දෙවනි වරටත් රිමාන්ඩ් බන්ධනාගාර ගත කිරීමට එරට අධිකරණය නියෝග කරනු ලැබූවා.
23 හැවිරිදි ආර්යන් පසුගිය දෙවනිදා මුම්බායි නගරයේ සිට ගෝවා බලා යාත්රා කරමින් තිබූ මගී නෞකාවකදී එරට මත්ද්රව්ය නිවාරණ කාර්ය්ංශය විසින් අත්අඩංගුවට ගෙන තිබුණා.
ඒ නීති විරෝධී ද්රව්ය ලඟ තබා ගැනීම, පරිභෝජනය කිරීම හා විකිනීම සම්බන්ධයෙන් පවතින නීති යටතේයි.
අත්අඩංගුවට ගත් ආර්යන් ඇතුළු පිරිස පසුගිය 8 වනදා පළමු වරට අධිකරණයට ඉදිරිපත් කිරීමෙන් පසුව ඔවුන්ව රක්ෂිත බන්ධනාගාර ගත කිරීමට අධිකරණය නියෝග කළ අතර නැවත වරක් අද දින අධිකරණය ඔහුගේ ඇප ඉල්ලීම ප්රතික්ෂේප කරමින් ආර්යන් ඛාන්ව රක්ෂිත බන්ධනාගාර ගත කිරීමට යළිත් නියෝග කළා.
ඔහුට ඇප ඉල්ලා සිටිමින් ආර්යන් ගේ නීතිඥයන් තර්ක කළේ ඔහු ලඟ තිබී මත්ද්රව්ය හමු නොවූ බවත් ඔහු කිසිඳු මත්ද්රව්යක් පානය කල බවට සාක්ෂි ඉදිරිපත් කර නොමැති බවත්ය.
එහෙත් ඔහුගේ ඇප ඉල්ලීම ප්රතික්ෂේප කල අධිකරණය ප්රකාශ කලේ සිදුවීමට සම්බන්ධ අනෙක් 17 දෙනාට වඩා වෙනස් ආකාරයකට ආර්යන්ට සැලකීමට නොහැකි බැවින් ඔහුගේ ඇප ඉල්ලීම ප්රතික්ෂේප කරන බවයි.
කෙසේ වෙතත් ඉන්දියාවේ සහ ජාත්යන්තර මාධ්යයේ දැඩි අවධානය දිනාගෙන ඇති මෙම සිදුවීම සම්බන්ධයෙන් සුපිරි බොලිවුඩ් නළු ශාරුක් ඛාන් තවමත් කිසිදු නිළ ප්රකාශයක් නිකුත් කර නැහැ.
– තිලාන් ජයසේකර –