රිමාන්ඩ් භාරයේ සිටියදී කොවිඩ් වෛරසය ආසාදනය වී ඇති අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂ ශානි අබේසේකර මහතාගේ ජීවිතාරක්ෂාව සඳහා පියවර ගන්න ලෙස ශ්‍රී ලංකා මානව හිමිකම් කොමිසම බන්ධනාගාර කොමසාරිස්වරයාගෙන් ඉල්ලා තිබේ.
මහර රිමාන්ඩ් බන්ධනාගාරයේ රඳවා ඇති අබේසේකර මහතාට කෝවිඩ් 19 වෛරසය ආසාදිත වී ඇතිනම් ඔහු වහාම රෝහල් ගත කර ආරක්ෂාව තහවුරු කිරීමට ගෙන ඇති පියවර දැනුම් දෙන ලෙස මානව හිමිකම් කොමිසම බන්ධනාගාර කොමසාරිස්වරයාට නොවැම්බර් 25 දාලිපියක් යවමින් නිර්දේශ කර ඇත.
අබේසේකර මහතාගේ ජීවිතාරක්ෂාව සදහා ගන්නා පියවර මොනවාදැයි නොවැම්බර් 30 දාට පෙර මානව හිමිකම් කොමි්‍සමට දැනුම් දෙන ලෙසත් ලිපියේ සදහන් වී ඇත.
කෙසේ වෙතත් පසුගිය සතියෙහි පාස්කු ප්‍රහාරයේ ප්‍රධාන සැකකරු සහරාන් හෂීම්ගේ බිරිඳ වන ෆාතිමා කාදර් සාදියාගේ ජීවිතාරක්ෂාව සලසන ලෙසත් මානව හිමිකම් කොමිසම බන්ධනගාර කොමසාරිස්වරයාට නිර්දේශයක් යවා තිබුණි.
