ජොන්ස්ටන් ප්රනාන්දු අමාත්යවරයා පවසන පරිදි පළමු කාක් තට්ට අපරාධ පරීක්ෂණ දෙපාර්තමේන්තුවේ හිටපු අධ්යක්ෂ ශානි අබේසේකර මහතා විය හැකි බව සමඟි ජන බලවේගයේ පාර්ලිමේන්තු මන්ත්රී නලින් බණ්ඩාර මහතා පවසනවා.
ඒ, පෙරේදා (01) විපක්ෂ නායක කාර්යාලයේ දී පැවති මාධ්ය හමුවේදීය.
ශානි අබේසේකර මහතාගේ ජීවිතයට තර්ජනයක් ඇති බවට තමන්ට විදෙස් දුරකථන ඇමතුමකින්ද තහවුරු කෙරුණු බවත් ආණ්ඩුවේ අසාර්ථක බව වසා ගැනීම සඳහා නොයෙකුත් ක්රියාමර්ග වලට එළඹෙමින් සිටින බවයි නලින් බණ්ඩාර මහතා පවසන්නේ.
ජොන්ස්ටන් අමාත්යවරයා සිදුකරන තර්ජනය යොමුවන්නේ මාධ්යවේදීන්ට, සමාජ ක්රියාකාරීන්ට හෝ ගොවි සංගම් ක්රියාකාරීන්ටද විය හැකි බවත් මෙම ප්රකාශය සුළුවෙන් නොතැකිය යුතු බවද ඒ මහතා පෙන්වා දෙනවා.