යළිත් වතාවක් අගමැති ධුරය ලබා ගැනීමේ මෙහෙයුම ආරම්භ කරමින් හිටපු අග්රාමාත්ය මහින්ද රාජපක්ෂ මහතා හෙට (12) දිනයේ මොනරාගල දිස්ත්රික් සමුළුවට සහභාගී වීමට නියමිතයි.
මෙම දිස්ත්රික් සමුළුව හිටපු අමාත්ය ශෂින්ද්ර රාජපක්ෂ මහතා සංවිධානය කර ඇති බවයි වාර්තා වන්නේ.
පසුගිය දිනක රාජපක්ෂ පවුලේ නැගණියකගේ කොළඹ නිවසේ රාත්රී භෝජන සංග්රහයක් පැවැත්වුණු අතර එම අවස්ථාවේදී මහින්ද රාජපක්ෂ මහතා නැවත වරක් අගමැතිවරයා ලෙස ධුරය ලබා ගත යුතු බවට සාකච්ඡාවක් සිදුව තිබෙනවා.
එලෙස පැවැති සාකච්ඡාවල ප්රතිඵලයක් ලෙස ශෂින්ද්ර රාජපක්ෂ මහතා විසින් මෙම දිස්ත්රික් සමුළුව සංවිධානය කර ඇති බවයි වාර්තා වන්නේ.
කෙසේ නමුත් එළඹෙන පළාත් පාලන මැතිවරණය ඉලක්ක කර පවත්වන ප්රචාරක රැළියක් ලෙස මෙය සංවිධානය කර තිබෙනවා.
මෙම රැලියෙන් අනතුරුව දිස්ත්රික් මට්ටමින් සමුළුව සංවිධානය කිරීමටයි පොහොට්ටුව තීන්දු කර ඇත්තේ.