හිටපු අග්‍රාමාත්‍ය රනිල් වික්‍රමසිංහ මහතා නගන චෝදනා සම්පූර්ණයෙන්ම ප්‍රතික්ෂේප කරන බව කොවිඩ් මර්දන කාර්ය සාධක බලකායේ ප්‍රධානී යුද හමුදාපති ජෙනරල් ශවේන්ද්‍ර සිල්වා මහතා පවසනවා.
මහනුවර ශ්‍රී දළදා මාළිගාවේ දී මාධ්‍ය වෙත අදහස් දක්වමින් යුද හමුදාපතිවරයා ප්‍රකාශ කළේ, රණවිරුවන් විසින් සිදුකරනු ලබන සේවය පිළිබඳව රටේ ජනතාව තීරණය කළ යුතු බවයි.
කොරෝනා මර්දන ජනාධිපති කාර්ය සාධක බලකාය මගින් සිදු කරන කාර්යභාරය සහ ත්‍රිවිධ හමුදාව මගින් සිදුකරනු ලබන එන්නත් කරන වැඩපිළිවෙළ හිටපු අග්‍රාමාත්‍ය එක්සත් ජාතික පක්ෂ නායක රනිල් වික්‍රමසිංහ මහතා විසින් විවේචනයට ලක් කළත් ඒ මහතා ද කෝවිඩ් එන්නත ලබා ගනු ලැබුවේ ශ්‍රී ලංකා යුද හමුදාවේ මූලික රෝහල වන නාරාහෙන්පිට රෝහලට පැමිණ යුධ හමුදා එන්නත් කරන මධ්‍යස්ථානයෙන් බවයි යුද හමුදාපතිවරයා පවසන්නේ.
එමෙන්ම, කාර්ය සාධක බලකායේ ප්‍රධානියා වන්නේ ජනාධිපතිවරයා බවත්, සෞඛ්‍ය සම්බන්ධයෙන් සිටින අමාත්‍යවරුන්, කැබිනට් ඇමතිවරු කිහිපදෙනෙක්, ත්‍රිවිධ හමුදාපතිවරු, පොලිස්පති හා විශේෂඥ වෛද්‍යවරුන් ද එහි සාමාජිකයින් වන බවත් යුද හමුදාපතිවරයා සඳහන් කරනවා.
ඒ අනුව කාර්ය සාධක බලකාය ගනු ලබන තීරණ සාමුහික තීරණ මිසක තනි තීරණයන් නොවන බව ද ඔහු අවධාරණය කරන්නේ
