බ්‍රිතාන්‍ය පොප් තරුවක් වන එඩ් ශීරන් දකුණු ඉන්දියාවේ බැංගලෝර් නගරයේ වීදියක ගීතයක් ගායනා කරමින් සිටියදී එය වළක්වාලීමට ඉන්දීය පොලීසිය කටයුතු කර තිබෙනවා.
ශීරන්ගේ අතිශය ජනප්‍රිය ගීතයක් වන ‘Shape of You’ ගායනා කරමින් සිටියදී පොලිස් නිලධාරියෙකු පැමිණ ඔහුගේ මයික්‍රෆෝනය විසන්ධි කරන ආකාරය එම වීඩියෝවල දැක්වෙනවා.
එඩ් ශීරන් ගීත ගායනය සඳහා තෝරගත් ස්ථානයේ මාර්ග තදබදය ඇති වීමත් ඔහු ඒ සඳහා නිසි අවසරයක් ලබා ගෙන නොමැති බවටත් හේතු දක්වමින් පොලීසිය මෙලෙස කටයුතු කර තිබුණා.
කෙසේවෙතත්, එඩ් ශිරන් සිය ඉන්ස්ටග්‍රෑම් ගිණුමෙහි සටහනක් තබමින් පවසා ඇත්තේ, එම ස්ථානයේ ගීත ගායනා කිරීම සඳහා මින් පෙර අවසරය ලබා ගත් අතර එය හදිසියේ සැලසුම් කරන ලද්දක් නොවන බවයි.
