ගෘහස්ථ ගෑස් සිලින්ඩරයක වෙළෙඳ මිල අඩු කිරීමේ බලාපොරොත්තුවක් පවතින බව ලිට්‍රෝ සමාගම පවසනවා.
ඒ අනුව, පසුගිය දා වැඩි කළ මිලට වඩා වැඩි ප්‍රමාණයකින් එළැඹෙන 5 වැනිදා සිට එම මිල අඩු කිරීම සිදු වන බවයි ලිට්‍රෝ සභාපති මුදිත පීරිස් පවසන්නේ.
ලෝක වෙළෙඳපොළේ ගෑස් මිල අනුව මෙම සංශෝධනය සිදුවන බවත් ඉදිරි මාස 16ක් දක්වා කාල සීමාව තුළ හිඟයකින් තොරව අඛණ්ඩව ගෑස් ලබාදීමේ හැකියාව පවතින බවත්
ඔහු වැඩිදුරටත් සඳහන් කරනවා.
“දැන් කැමති නෑ අඩුකරන මිල හරියට ම රුපියල්වලින් කියන්න. හැබැයි ඉඟියක් දෙන්නම්. පසුගිය දා වැඩි කළ මිලට වඩා වැඩි ගාණකින් අඩු කරනවා. අපි රු 50ක් වගේ තමා වැඩි කළේ. හැබැයි ඊට වඩා අනිවාර්යයෙන්ම ගොඩක් වැඩි මුදලකින් අඩු කරනවා.”
