30 C
Colombo
Tuesday, October 4, 2022

ගුරුවරු 400 ක් පොසිටිව්, 25 ක් මැරිලා කියලා සිළුමිණ පත්තරේ අමූලික බොරුවක් දාලා – ජෝසප් ස්ටාර්ලින්

- Advertisement -

ගුරු – විදුහල්පති උද්ඝෝෂණයට සහභාගීවූ ගුරුවරුන් 400 ක් හට කොවිඩ් 19 වෛරසය ආසාදනය වී ඇති බවටත් ඉන් ගුරුවරුන් 25 ක් මියගිය ඇති බවටත් සිළුමිණ පුවත්පත පලකර ඇති පුවත සම්පූර්ණ අසත්‍යක් බව ලංකා ගුරු සංගමයේ ලේකම් ජෝසප් ස්ටාර්ලින් මහතා පවසනවා.

ශ්‍රී ලංකා පොදුජන පෙරමුණට අයත් පොදුජන අධ්‍යාපන සේවා සංගමයේ සභාපතිනි වසන්තා හඳපාන්ගොඩ මහත්මිය සිළුමිණ පුවත්පතට හෙළිකල බව පවසා සුභාෂිණී ජයරත්න නම් මාධ්‍යවේදිනියක් විසින් අදාළ පුවත අද (29) සිළුමිණ පුවත්පතට ලියා තිබෙනවා.

ජෝසප් ස්ටාර්ලින් මහතා පවසන්නේ විශේෂඥ වෛද්‍යවරුන්ගේ ඉල්ලීම මත ගුරු උද්ඝෝෂණය නවතා දමා දැනට සති දෙකකටත් වැඩි කාලයක් ඉක්ම ගොස් ඇති බවයි.

එවැනි තත්ත්වයක් මත ආණ්ඩුවට හිතවත් වෘත්තීය සමිතියක කාන්තාවක් යොදවා එය මගින් ජාතික පුවත්පතක මුල්පිටුවේ පදනම් විරහිත පුවතක් පලකිරීම සම්පූර්ණයෙන් හෙළා දකින බවද ඔහු පවසනවා.

ගුරුවරුන්ගේ වැටුප් ගැටළුව පිළිබදව පත්කර ඇති අමාත්‍ය අනුකමිටුවේද සාමාජිකයෙන් වන ඩලස් අලහප්පෙරුම අමාත්‍යවරයා තමන් යටතේ ඇති ලේක්හවුස් ආයනයේ ප්‍රධාන පුවත්පතක පලවන මෙවැනි අසත්‍ය පුවත් සම්බන්ධයෙන් දක්වන්නේ කුමන මතයක්දැයි ගුරුවරුන් අවධානයෙන් සිටින බව ජෝසප් ස්ටාර්ලින් මහතා වැඩිදුරටත් සඳහන් කරනවා.

“ගුරු උද්ඝෝෂණයට එක්වූ ගුරුවරුන්ට කොරෝනා හැදිලා, මරණ 25යි, අසාදිතයන් 400” යන සිරස්තලය යටතේ සිළුමිණ ඉරිදා (29) පුවත්පතේ පලවූ මෙම පුවතේ මරණයට පත්වූ ගුරුවරුන් 25 දෙනාගේ නම් හෝ සඳහන්ව නොතිබීම විශේෂත්වයක්.

එමෙන්ම ජාතික පුවත්පතක මුල් පිටුවේ පලවන පුවතක සිරස්තල‍ෙ අක්ෂර දේෂ සහිතව පලවන විරල අවස්ථාවක්ද මෙම පුවත මඟින් සිදුකර තිබෙනවා.

ඒ අනුව ‘ආසාදිතයන්’ යන වචනය ‘අසාදිතයන්’ ලෙස පලකර තිබෙන අයුරු විද්යුත් මුද්‍රණයේත් සාමාන්‍ය මුද්‍රණයේත් දක්නට ලැබෙනවා.

සිළුමිණ පුවත්පතේ කතෘත්වය දරන්නේ ධර්මන් වික්‍රමරත්න මහතායි.


RECENT ARTICLES - SINHALA

කෝප් කමිටුවෙන් හර්ෂ ඉල්ලා අස්වෙයි

තමන් කෝප් කමිටුවෙන් ඉල්ලා අස්වන බවට සමගි ජනබලවේගය පක්ෂයේ පාර්ලිමේන්තු මන්ත්‍රී හර්ෂ ද සිල්වා මහතා පවසනවා. ට්විටර් පණිවුඩයක් නිකුත්...

Breaking: සුදේව හෙට්ටිආරච්චි ස්වර්ණවාහිනියෙන් ඉල්ලා අස්වෙයි

0
ස්වර්ණවාහිනී නාලිකාවේ විධායක අධ්‍යක්ෂ්‍යවරයා ලෙස කටයුතු කළ සුදේව හෙට්ටිආරච්චි මහතා එම තනතුරින් ඉල්ලා අස්වී තිබෙනවා. ඒ අනුව සිය ඉල්ලා...

අත්‍යාවශ්‍ය සේවා නම් කරමින් රනිල්ගෙන් තවත් ගැසට්ටුවක්

සාමාන්‍ය ජන ජීවිතය පවත්වාගෙන යාම සඳහා අත්‍යවශ්‍ය වන බවට හඳුනාගත් සේවාවන් කිහිපයක් හඳුනාගනිමින් ඒවා සඳහා අතිවිශේෂ ගැසට්ටුවක් නිකුත් වී තිබෙනවා.

RECENT ARTICLES - ENGLISH

Tom Moody and Sri Lanka Cricket to part ways

0
Former Sri Lankan Head Coach Tom Moody, who joined Sri Lanka Cricket once again last year as the director of cricket for...

Temples to switch off lights on Poya Day to protest tariff hike?

0
A proposal has been presented to the Central Province Maha Sangha Sabha to turn off the lights within all temples across the...

Horrific details about captivity of 7 Sri Lankans by Russian soldiers revealed

0
A Ukrainian journalist and the Kharkiv region’s police have disclosed appalling details about the torture the seven Sri Lankans endured while they...