1996 මාර්තු 17 වන දින ඕස්ට්‍රේලියාවට එරෙහිව පාකිස්තානයේ ලාහෝර් හි ගඩාෆි ජාත්‍යන්තර ක්‍රිකට් ක්‍රීඩාංගණයේදී පැවති අවසාන තරගයේ ඓතිහාසික ජයග්‍රහණයේ 25 වන සංවත්සරය නිමිත්තෙන් අද දින උත්සවයක් සංවිධානය කර තිබෙනවා.
ඒ අනුව 1996 ලෝක කුසලානය දිනාගත් ශ්‍රී ලංකා ක්‍රිකට් කණ්ඩායමේ ක්‍රීඩකයින්ට ඔවුන්ගේ පදක්කම් අද අගමැති මහින්ද රාජපක්ෂ මහතාගෙන් ලැබෙනු ඇති.
මෙම පදක්කම් එකල ක්‍රිකට් කණ්ඩායමේ ක්‍රීඩකයින්ට ප්‍රදානය කිරීම සඳහා අන්තර්ජාතික ක්‍රිකට් කවුන්සිලය විසින් මෙරටට එවා ඇති නමුත් ඒවා පසුගිය වසර 25 ක කාලය තුළ ශ්‍රී ලංකා ක්‍රිකට් ආයතනයේ තබා තිබුණද ලෝක කුසලාන කණ්ඩායමේ ක්‍රීඩකයන් හට ලබාදීමට කටයුතු නොකර ඇති බව අග්‍රාමාත්‍ය කාර්යාලයේ ප්‍රකාශකයෙක මව්බිම පුවත්පතට පවසා ඇත.
1996 ක්‍රිකට් ලෝක කුසලාන ජයග්‍රහණය යනු ශ්‍රී ලංකා ක්‍රිකට් කණ්ඩායම මෙතෙක් ලබා ඇති ඉහළම ජයග්‍රහණය ලෙස සැලකෙනවා.
ක්‍රිකට් උණුසම මෙන්ම ක්‍රීඩකයන්ගේ දක්ෂතා උපරිම මට්ටමින් පැවති එකල තරුණ තරුණියන් හට දැඩි ක්‍රිකට් උන්මාදයක් පැවතුණා.
ඉඩක් ලැබෙන සෑම මොහොතකම පිට්ටනිවල පමණක් නොව අතුරුමාර්ගවල පවා දරුවන් ක්‍රිකට් ක්‍රීඩා කරනු ලැබීම එකල සුලබ දසුනක් වුණා.
ජාතික ක්‍රිකට් කණ්ඩායමේ ක්‍රීඩකයන්ගේ නම් තබා ගනිමින් ඔවුන් උදෑසන පටන් රාත්‍රිය වන තුරු දැඩි ආශාවෙන් ක්‍රිකට් ක්‍රීඩාකල කාලයක් මීට පෙර දශකයේ මෙරට තිබුණා.
එහෙත් මේ වන විට මෙරට ක්‍රිකට් ක්‍රීඩාව අභාවයට ගොස් ඇති අතර ජාතික කණ්ඩායමේ සිටින්නේ කුමන ක්‍රිඩකයන්දැයි නොදන්නා තරමටම එය පිරිහී තිබෙනවා.
1996 ලෝක කුසලානයේ අවසන් තරඟයේ විශේෂ අවස්ථා පහතින්,
