සංචාරක ශ්‍රී ලංකා කණ්ඩායම සමග පැවැත්වෙන පළමු ටෙස්ට් තරගයේ ජයග්‍රහණය සඳහා නවසීලන්ත කණ්ඩායමට ලකුණු 285ක ඉලක්කයක් හිමිව තිබෙනවා.
ඒ ශ්‍රී ලංකා දෙවැනි ඉනිම ලකුණු සියලු දෙනා දැවී ලකුණු 302කට සීමා වීමත් සමගයි.
දෙවැනි ඉනිමේදී ශ්‍රී ලංකාව වෙනුවෙන් ඇන්ජලෝ මැතිව්ස් ලකුණු 115ක් ලබා ගත් අතර එය මැතිව්ස්ගේ 14 වැනි ටෙස්ට් ශතකයයි.
දිනේෂ් චන්දිමාල් ලකුණු 42කට දැවී ගිය අතර ධනංජය ද සිල්වා නොදැවී ලකුණු 47යි.
පන්දු යැවීමේ දී බ්ලෙයාර් තික්නර් ලකුණු 100කට කඩුලු 4ක් ද මැට් හෙන්රි ලකුණු 71කට කඩුලු 3ක් ද දවා ගත්තා.
ජයග්‍රහණය සඳහා ලකුණු 285ක ඉලක්කයක් හඹා යන නවසීලන්තය මේ වන විට සිය දෙවැනි ඉනිම සඳහා එක් කඩුල්ලක් දැවී ලකුණු 18ක් ලබා ගෙන සිටිනවා.
අද තරගයේ සිව්වැනි දිනයයි.
