31 C
Colombo
Sunday, May 22, 2022

පාස්කු ප්‍රහාරයට යුක්තිය අපේක්ෂාවෙන් කතෝලික සභාව ගත් ක්‍රියාමාර්ග ඇතැම් පාර්ශව වෙනත් අරමුණු සදහා භාවිතා කරනවා – ජී.එල්. පීරිස්

- Advertisement -

පාස්කු ඉරුදින ත්‍රස්ත ප්‍රහාරයට යුක්තිය අපෙක්ෂාවෙන් කතෝලික සභාව ගත් ක්‍රියාමාර්ග ඇතැම් කණ්ඩායම් වෙනත් අරමුණු සදහා භාවිත කරන බව විදේශ කටයුතු අමාත්‍ය මහාචාර්ය ජී.එල්. පීරිස් මහතා පවසනවා.

ඊයේ (30) ශ්‍රී ලංකා පොදුජන පෙරමුණු පක්ෂ කාර්යාලයේ පැවති ප්‍රවෘත්ති සාකච්ඡාවකට එක්වෙමින් ඔහු වැඩිදුරටත් සදහන් කළේ එවැනි පාර්ශව ජාත්‍යාන්තර තලයේ කටයුතු කරන්නේ නම් ඊට ජාත්‍යාන්තරය ඉදිරියේ පිළිතුරුදීමට රජය මේ වනවිට විධිමත්ව සුදානම් වෙමින් සිටින බවයි.

පාස්කු ප්‍රහාරයට වගකිවයුත්තන්ට එරෙහිව නීතිය ක්‍රියාත්මක කිරීම සම්බන්ධයෙන් රජය මෙතෙක් ගෙන ඇති වැඩපිළිවෙළ පිළිබද අගරදගුරු අති උතුම් මැල්කම් කාදිනල් රංජිත් හිමිපාණන්ව දැනුවත් කිරීමට තමන් සාකච්ඡාවක් ඉල්ලා ඇති බවත් නුදුරේදීම ඊට අවස්ථාවක් ලබාදෙන බව අගරදගුරු කාර්යාලය දන්වා ඇති බවත් ජී.එල්. පීරිස් මහතා මෙම ප්‍රවෘත්ති සාකච්ඡාවේදි පැවසුවා.

කෙසේ වෙතත් මෙම ප්‍රවෘත්ති සාකච්ඡාව අරඹමින් ජී.එල්. පීරිස් මහතා කියා සිටියේ ඉදිරියේදී ශ්‍රී ලංකාවට එරෙහිව යෝජනා ගෙන එන ජාත්‍යාන්තර සමුළු කිහිපයක් පැවැත්වීමට නියමිත බවයි.

ඒ අනුව සැප්තැම්බර් 12 ජීනිවා හීදි මානව හිමිකම් කවුන්සලයත්, සැප්තැම්බර් 21 වනදා නිව්යෝර්ක් හීදි එක්සත් ජාතින්ගේ මහ සම්මේලනයත් පැවත්වීමට නියමිත බව ඔහු මෙහිදි සදහන් කළා.

එහිදි ශ්‍රී ලංකාවට එරෙහිව ගෙන එන යෝජනා සම්බන්ධයෙන් මෙරට ප්‍රතිචාරය මේ වන විටත් එම සම්මේලන නියෝජනය කරන ශ්‍රී ලාංකීක නියෝජිතයන් දැනුවත් කර ඇති බවද මහාචාර්ය ජී.එල් පීරිස් මහතා පැවසුවා.

ඒ අනුව මෙම ප්‍රවෘත්ති සාකච්ඡාවේදි විදේශ අමාත්‍යවරයා පල කළ ප්‍රධාන කරුණු දෙක අතර යම් සම්බන්ධතාවයක් පවතින්නේද යන ගැටළුව මතුවනවා.

එනම් පාස්කු ඉරුදින ත්‍රස්ත ප්‍රහාරයට වගකිවයුත්තන්ට එරෙහිව මෙතෙක් ශ්‍රී ලංකාව තුළ නීතිය ක්‍රියාත්මක නොවීම මත තමන් ජාත්‍යාන්තරයට යාමට සුදානම් බව අගරදගුරු අති උතුම් මැල්කම් කාදිනල් රංජිත් හිමිපාණන් ප්‍රකාශ කර ඇති පසුබිමක සහ ඉදිරියේදි ජාත්‍යාන්තර මානව හිමිකම් කවුන්සලය රැස්වීමට නියමිත පසුබිමක විදේශ කටයුතු අමාත්‍ය මහාචාර්ය ජී.එල්. පීරිස් මහතා කාදිනල් හිමිපාණන් හමුවීමට උත්සහ දැරීම විශේෂත්වයක්.

RECENT ARTICLES - SINHALA

විදුලිය කපන්නෙ නැහැ කියලා දේශපාලඥයෝ කියන්නේ බොරු – මහජන උපයෝගීතා කොමිසම

විදුලිය විසන්ධි නොකරන බවට ඇතැම් දේශපාලඥයින් පවසන කරුණු පදනම් විරහිත අසත්‍ය ප්‍රකාශ බව මහජන උපයෝගීතා කොමිෂන් සභාව පවසනවා. අද...

මම කවදාවත් ජනාධිපතිතුමාව නාවලා නැහැ – ඥාණක්කා

0
තමන් ජනාධිපති ගෝඨාභය රාජපක්ෂ මහතාව කිසිදු දිනෙක නහවා නොමැති බව අනුරාධපුරයේ සුප්‍රසිද්ධ චරිතයක් වන ඥාණක්කා පවසනවා. ඒ සන්ඩේ ටයිම්ස්...

අරුන්දික කිසිදා ගුවන් නියමුවෙක් ලෙස සේවය කර නැහැ – ගුවන් නියමුවන්ගේ සංසදය

ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී අරුන්දික ප්‍රනාන්දු මහතා ශ්‍රී ලංකන් ගුවන් සමාගමේ ගුවන් නියමුවෙකු ලෙස සේවය කර නොමැති බව ශ්‍රී ලංකා...

RECENT ARTICLES - ENGLISH

Senior DIG Deshabandu Tennakoon assaulted

0
Senior DIG in charge of the Western Province Deshabandu Tennakoon was assaulted by a group on Tuesday (10) afternoon.

President declares State of Emergency

0
President Gotabaya Rajapaksa has declared a state of emergency with effect from midnight today, President’s Media Division informed. The...

Yoshitha to Sue AKD

0
Yoshitha Rajapaksa, the Chief of Prime Minister's Staff said that he would file law suit against the claims made by JVP Leader...