සිය මංගල t20 ශතකය පන්දු 43කින් ලබාගත් ක්වින්ටන් ඩි කොක් ජාත්යන්තර පන්දුවාර 20 ක්රිකට් ඉතිහාසයේ ඉහළම හඹා යෑම සාර්ථක කර ගැනීමේ වාර්තාව දකුණු අප්රිකාවේ නම ඉදිරියේ සටහන් කළා.
බටහිර ඉන්දීය කොදෙව් සමග පැවති මෙම තරගයේ දි ලකුණු 517ක් වාර්තා වූ අතර එය ජාත්යන්තර පන්දුවාර 20 තරගයකදී ලකුණු 500ක් වාර්තා වූ පළමු අවස්ථාව වන අතර ඕනෑම පන්දු වාර 20 තරගයකදී වාර්තා වූ වැඩිම ලකුණු සංඛ්යාවයි.
මෑතකදී නිමා වූ පාකිස්තාන සුපර් ලීග් තරගාවලියේ මුල්තාන් සුල්තාන් සහ කොයිටා ග්ලැඩියේටර්ස් තරගයේදී ලකුණු 515ක් වාර්තා වුණා.
හයේ පහර 35ක් තරග පුරා එල්ල කෙරුණු අතර ජාත්යන්තර t20 තරගය එල්ල කෙරුණු වැඩිම 6 පහර සංඛ්යාව එය ලෙස සටහන් වනවා.
ඉන් හයේ පහර 22ක් එල්ල කළේ කොදෙව්වන් වන අතර කණ්ඩායමක් එල්ල කළ වැඩිම හයේ පහර වාර්තාව සම කිරීමට ඔවුන් සමත් වුණා.
එ් අතරින් හයේ පහර 11ක් එල්ල කළ ජොන්සන් චාර්ල්ස් දෙවැනි වේගවත්ම t20 ශතකය ලබා ගනිමින් බටහිර ඉන්දීය කොදෙව්වන් t20 තරගයක වාර්තා කළ ඉහළම ලකුණු පුවරුව සටහන් කළත් එය ජයග්රහණයට ප්රමාණවත් වුණේ නැහැ.
සෙන්චූරියන් හි පැවති තරගයේ කාසිය වාසිය දිනූ දකුණු අප්රිකානු නායකයා පළමුව පන්දුව පහරදීමේ අවස්ථාව කොදෙව්වන්ට ලබා දුන්නා.
ඒ අනුව කොදෙව්වන් කඩුලු 5ක් දැවී ලකුණු 258ක දැවැන්ත ලකුණු පුවරුවක් නිර්මාණය කළා.
චාර්ල්ස්ගේ ශතකයට අමතරව කයිල් මේයර්ස් පන්දු 27කින් ලකුණු 51ක් ද රොමාරියෝ ෂෙපර්ඩ් පන්දු 18කින් ලකුණු 41ක් ද ලබා ගත්තා.
පිළිතුරු ඉනිම ඇරඹු ඩි කොක් සහ හෙන්ඩ්රිකස් පන්දුවාර 5.3කදී ලකුණු 100ක් රැස් කරමින් කොදෙව් පන්දු යවන්නන් අන්දමන්ද කළා.
රීසා හෙන්ඩ්රික්ස් පන්දු 28කදී ලකුණු 68ක් ලබා ගත්තා.
ලකුණු 259ක ජයග්රාහී ඉලක්කය කඩුලු 4ක් පමණක් දැවී 19 වැනි පන්දුවාරයේ පස්වැනි පන්දුවේදී සපුරා ගන්නට දකුණු අප්රිකාව සමත් වුණා.
මෙම තරගයේදී හතරේ පහර 81ක් වාර්තා වූ අතර එය t20 තරගයක එල්ල කළ වැඩිම හතරේ පහර සංඛ්යාවයි.
දකුණු අප්රිකාව t20 තරගයක ලකුණු 200කට වඩා හඹා ගොස් ජයගත්තේ සිව්වැනි වරටයි.