දකුණු කොරියාව මැයි 5 වන දින නේටෝ (NATO) හි සයිබර් ආරක්ෂක කණ්ඩායමට සම්බන්ධ වී තිබේ.
ඒ අනුව ජපානයට පසුව එම කණ්ඩායමට සම්බන්ධ වූ දෙවන නැගෙනහිර ආසියානු රට බවට දකුණු කොරියාව පත්විය.
මෙම පියවර ගෙන ඇත්තේ දකුණු කොරියාව සැමවිටම උතුරු කොරියානු සයිබර් ප්‍රහාරවල නිරන්තර ඉලක්කයක් වී ඇති නිසා බව පැවසේ.
උතුරු කොරියානු සයිබර් ප්‍රහාරකයන් පසුගිය වසරේ දකුණු කොරියාවේ න්‍යෂ්ටික පර්යේෂණ ආයතනය වන කොරියානු පරමාණුක බලශක්ති පර්යේෂණ ආයතනයට (KAERI) අනවසරයෙන් ඇතුළු වී සමග සැලකිය යුතු ප්‍රහාරයක් සිදු කරනු ලැබිණ.
මෙම ප්‍රහාරයෙන් දකුණු කොරියාවේ න්‍යෂ්ටික රහස් උතුරු කොරියාවට කාන්දු වූ බවට ද වාර්තා පළවිය.
මේ අතර ඒෂියන් ටයිම්ස් පුවත්පත වාර්තා කළේ චීනය උතුරු කොරියානු සයිබර් ඒකකවලට ඔවුන්ගේ සයිබර් ඔත්තු බැලීම් සහ මූල්‍ය සොරකම් කිරීමේ මෙහෙයුම් සඳහා පුහුණුව, තාක්ෂණය සහ ආවරණය ලබා දී ඇති බවයි.
එපමණක් නොව, සෝල් හි පිහිටි කොරියානු ලිබරල් ප්‍රජාතන්ත්‍රවාදයේ ආයතනයට අනුව, උතුරු කොරියානු නියෝජිතයින් 6,800කින් සමන්විත ඒකකයක් වංචා, සහ ඔන්ලයින් සූදුවෙහි නිරත වන බව ද හෙළිවී තිබේ.
එමඟින් වාර්ෂිකව ඩොලර් මිලියන 860ක් උපයා ගන්නා බවට ද තොරතුරු හෙළිවී ඇත.
