ශ්රී ලංකාව තුළ සිය මෙහෙයුම් සඳහා වෙනත් බාහිර ආයතන යොදා ගන්න බවට පළවූ මාධ්ය වාර්තා ප්රතික්ෂේප කරමින් සිනොපෙක් ෆුවල් ඔයිල් ලංකා සමාගම නිවේදනයක් නිකුත් කර තිබෙනවා.
එම සමාගම පෙන්වා දෙන්නේ මෙරට තුළ ක්රියාත්මක ඉන්ධන පිරවුම්හල් හෝ එම ව්යාපාරය සඳහා කිසිදු බාහිර ආයතනයක් හෝ තුන්වන පාර්ශ්වයක් සම්බන්ධ කරගෙන නොමැති බවයි.
තවද සිය ඉන්ධන පිරවුම්හල් සේවා අයිතිය වෙනත් කිසිඳු පාර්ශවයකට පැවරීමට අදහස් කරගෙන නොමැති බවද ඔවුන් එම නිවේදනයෙන් පෙන්වා දී තිබෙනවා.
වැඩිදුරටත් එම නිවේදනයෙන් පෙන්වා දෙන්නේ තම සන්නාමයේ කීර්ති නාමය ආරක්ෂා කරගැනීම සඳහා තවදුරටත් නීතිමය ක්රියාමාර්ග ගැනීමට සූදානම් බවයි.