කථානායක කාර්යාලයද වසා දැමීමට තීරණය කර තිබෙනවා. ඒ, කථානායකවරයාගේ පෙර ගමන් රථයේ පොලිස් රියැදුරුට සහ උප පොලිස් පරීක්ෂකවරයාට කොරෝනා වැලඳී හේතුවෙන්.
මෙම ආසාදිත උප පොලිස් පරීක්ෂකවරයා පාර්ලිමේන්තු තැපැල් කාර්යාලයටද ගොස් මුද්දර මිලට ගෙන ඇති බැවින් එම තැපැල් කාර්යාලයද වසා දමා තිබෙනවා.
එමෙන්ම ඔහු ගමන් කළ පාර්ලිමේන්තු විදුලි සෝපානයේ විපක්ෂ නායක කාර්යාලයේ නිලධාරීන් කිහිපදෙනකුද ගමන් කර ඇති බව CCTV දර්ශන ඔස්සේ හඳුනාගෙන ඇති බව සඳහන්. මේ හේතුවෙන් කථානායක කාර්යාලය, තැපැල් කාර්යාලය සහ විපක්ෂ නායක කාර්යාලයද ඇතුළුව පාර්ලිමේන්තුවේ අංශ කිහිපයක සේවය කරන පාර්ලිමේන්තු කාර්ය මණ්ඩලයේ 25 දෙනෙකුගේ පමණ පී.සී.ආර්.PCR පරීක්ෂණ අද (31 ) සිදු කරන බව වේත්‍රධාරී නරේන්ද්‍ර ප්‍රනාන්දු කියා සිටියේ.
අදාල ආසාදිතයන් දෙදෙනා පැමිණ ඇති ස්ථාන කිහිපයකට කතානායක මහින්ද යාපා ගොස් ඇති බැවින් ඒ මහතාද මේ වන විට නිරෝධායනය යොමුව ඇත. ඊට අමතරව කතානායක නිල නිවසේ නිලධාරීන් 10 ක් සහ ප්‍රභු ආරක්ෂක නිලධාරීන් 18 දෙනෙකුද කතානායක නිල නිවසේම මේ වන විට නිරෝධායනයට යොමු කර ඇත.
සබැදි පුවත්
