කොවිඩ් 19 ආසාදිත මවකට සිව් නිවුන් දරු උපතක්

කොවිඩ් 19 ආසාදිත මවක් ද සොයිසා කාන්තා රෝහලේ දී අද (17) නිවුන් දරුවන් සිව්දෙනකු ප්‍රසූත කර තිබෙනවා.
රෝහල් අධ්‍යක්ෂිකා වෛද්‍ය සාගරී කිරිවන්දෙණිය මහත්මිය පැවසුවේ ඔවුන් සිව්දෙනා අතරින් දෙදෙනෙකු ගැහැණු දරුවන් වන අතර අනෙක් දෙදෙනා පිරිමි දරුවන් වන බවයි.
දරුවන්ගේ මව මරදාන – කුප්පියාවත්ත ප්‍රදේශයේ පදිංචි 29 හැවිරිදි කාන්තාවක් වනවා.
සති 30 ක් වැනි අඩු කාලයක් සම්පූර්ණ කර මෙම දරුවන් උපත ලැබුවද දරුවන් සිව්දෙනා සහ ඔවුන්ගේ මව යහපත් සෞඛ්‍ය තත්ත්වයෙන් පසුවන බවයි රෝහල් අධ්‍යක්ෂ්‍යවරිය පවසන්නේ.
කෙසේ වෙතත් දරුවන් සිව්දෙනා නව ජන්ම දැඩි සත්කාර ඒකකයේ රදවා තිබෙනවා.