ස්ටෑන්ඩර්ඩ් ඇන්ඩ් පුවර්ස් (S&P) ජාත්‍යන්තර ණය ශ්‍රේණිගත කිරීමේ ආයතනය විසින් ශ්‍රී ලංකාව සඳහා දිගුකාලීන ස්වෛරී ණය ශ්‍රේණිගත කිරීමේ අගය CCC+ සිට CCC දක්වා පහත දමා තිබෙනවා.
බාහිර ණය සේවාකරණය සම්බන්ධයෙන් ඇති අවදානම සලකාබලා එම ආයතනය විසින් මෙම තීරණය ගෙන ඇති බවයි සදහන් වන්නේ.
මෙම ණය ශ්‍රේණිගත කිරීම පහළ හෙළීම හරහා ශ්‍රී ලංකාවේ ඉදිරි විදේශ ණය ගෙවීම් සහ සංචිත මට්ටම පීඩනයකට ලක්ව ඇති බව S&P ආයතනය සඳහන් කරනවා.
කෙසේවෙතත් ශ්‍රී ලංකා මහ බැංකුව පවසන්නේ ලබන ජනවාරි 18 වන දින කල්පිරෙන ජාත්‍යන්තර ස්වෛරී බැඳුම්කරය පියවීම සඳහා අවශ්‍ය මුදල වෙන්කර තිබියදීත්, මෙලෙස ණය ශ්‍රේණිගත කිරීම්වල පහළ අගයකට ගෙන ඒමට ස්ටෑන්ඩර්ඩ් ඇන්ඩ් පුවර්ස් ආයතනය කටයුතු කිරීම සාධාරණ නොවන බවයි.
මහබැංකු අධිපතිවරයා පවසන්නේ මෙම ජාත්‍යන්තර ණය ශ්‍රේණිගත කිරීමේ ආයතනයන් හට සැඟවුණු න්‍යාය පත්‍ර පැවතිය හැකි බවයි.
