31 C
Colombo
Monday, August 15, 2022

ප්‍රබල යැයි කිවූ අයර්ලන්තය පහසුවෙන් පරාජය කරමින් ශ්‍රී ලංකාව සුපිරි 12 දෙනාගේ වටයට

- Advertisement -

අවසන් 12 දෙනාගේ වටයට සුදුසුකම් ලැබීමේ වටයේ දී ශ්‍රී ලංකාවට හමුවූ ප්‍රබලතම අභියෝගය වූ අයර්ලන්ත කණ්ඩායම ලකුණු 70කින් පරාජයට පත්කරමින් මීළඟ වටයට සුදුසුකම් ලැබීමට ශ්‍රී ලංකා කණ්ඩායම අද සමත් වුණා.

අවසන් 12 දෙනාගේ වටයට සුදුස්සන් තෝරා පත්කර ගැනීම සඳහා A කාණ්ඩයේ තරඟයක් ලෙස ශ්‍රී ලංකා කණ්ඩායම සහ අයර්ලන්ත කණ්ඩායම අතර මෙම තරගය පැවැත්වුණේ එක්සත් අරාබි එමිර් රාජ්‍යය එමීර් රාජ්‍යයේ අබුඩාබි නුවර ශෙයික් සයෙඩ් පිටියේදීයි.

තරගයේ කාසිය වාසිය දිනාගත් අයර්ලන්ත නායක Andrew Balbirnie ප්‍රථමයෙන් පන්දුවට පහරදීමට ශ්‍රී ලංකා කණ්ඩායමට ආරාධනා කළා.

නැමීබියාව සමඟ පැවැති පළමු තරගයේ දී මෙන්ම තරගයේ දී මෙන්ම මෙවරත් සිය අසාර්ථකත්වය පෙන්නුම් ශ්‍රී ලංකා මුල් පෙළ මුල්පෙළ අයර්ලන්ත වේගපන්දු බලඇණිය හමුවේ අඩු ලකුණු සංඛ්‍යාවකට යළි ක්‍රීඩාගාරයට හැරී ගියා.

කණ්ඩායමේ සිටින පරිණතම පිතිකරුවා වන ආරම්භක පිතිකරු කුසල් ජනිත් තමන් මුහුණ දුන් පළමු පන්දුවටම දැවීයන විට සිය පළපුරුද්ද යළි යළිත් අමතක කළ දිනේෂ් චන්දිමාල්ටද ලබාගැනීමට හැකිවූයේ ලකුණු 06ක් පමණයි.

අනතුරුව පිටියට පිවිසි අවිශ්ක ප්‍රනාන්දු පලමු පන්දුවේ යළි ක්‍රීඩාගාරයට හැරී යන විට ශ්‍රී ලංකා ලකුණු පුවරුව පන්දුවාර 1.4 කදී ලකුණු 8 කට කඩුලු 03ක් ලෙස දැක්වුණා.

කෙසේ වෙතත් කලක් පුරා පිත්තෙන් අසාර්ථක වූ පැතුම් නිස්සංක සහ වනිදු හසරංග කළකින් දක්නට ලැබුණු ලකුණු 123ක සුපිරි සම්බන්ධතාවයක් සිව්වන කඩුල්ල සඳහා ගොඩනැගුවේ කණ්ඩායම තුළ තමන් සතු වගකීම නිසි පරිදි හඳුනා ගනිමින්.

අවසන් ඉනිම් කිහිපය පුරාම පිත්තෙන් අසාර්ථක වූ වනිදු හසරංග පන්දු 47ක් තුළ අගනා ලකුණු 71ක් වාර්තා කළේ සිය ඉනීම අලංකාර හතරේ පහර 10කින් සහ දැවැන්ත හයේ පහරකින් වර්ණවත් කරමින්.

ඊට නොදෙවනි අනර්ඝ ඉනීමක් ක්‍රීඩා කළ පැතුම් නිස්සංක හතරේ පහර 06ක් සහ එක් හයේ පහරක් සමගින් පන්දු 47ක් තුළ ලකුණු 61ක් ලබාගැනීමට සමත් වුණා.

අනතුරුව පිටියට පිවිසි භානුක රාජපක්ෂ සහ චාමික කරුණාරත්න අඩු ලකුණු ගණනකට දැවී ගියද ඉනිමේ අවසන් පන්දුවාරයේ වේගවත් ප්‍රහාරයක් දියත් කළ නායක දසුන් ශානක පන්දු 11ක් තුළදි ලබාගත් වේගවත් ලකුණු 21ත් සමගින් ශ්‍රී ලංකා කණ්ඩායම නියමිත පන්දුවාර 20 තුළදි කඩුලු 07ක් දැවී ලකුණු 171ක් ලබාගැනීමට සමත් වුණා.

ලකුණු 172ක ජයග්‍රාහී ඉලක්කයක් හඹා යාමට පැමිණි අයර්ලන්ත මුල්පෙළ ප්‍රහාරාත්මක පිතිකරුවන් යුගලය අඩු ලකුණු සංඛ්‍යාවකට යළි ක්‍රීඩාගාරයට හරවා යැවීමට චාමික කරුණාරත්න සහ මහීෂ් තීක්ෂණ සමත් වුණා.

පෙර තරඟයේ දී මෙන්ම මෙම තරගයේදීත් විස්තර විචාරකයින්ගේ වඩාත් අවධානයක් දිනා ගනිමින් විශිෂ්ට පන්දු යැවීමක නිරත වූ ශ්‍රී ලංකා කණ්ඩායමේ වේගපන්දු යවන්නන් යුගලය වූ දුෂ්මන්ත චමීර සහ ළහිරු කුමාර 140Kmph වැඩි වේගයකින් මනා දෝලනයකින් යුතුව පන්දු යැවීම විශේශත්වයක්.

එමෙන්ම පෙර තරගයේ වීරයා වූ මහීෂ් තීක්ෂණ සහ වනිදු හසරංගද අබුඩාබි තනතීරුව තුළ මනාව දගපන්දුව හැසිරවීමට සමත් වුණා.

පන්දු යැවීමේදි ශ්‍රී ලංකා කණ්ඩායම වෙනුවෙන් මහීෂ් තීක්ෂණ ලකුණු 17කට කඩුලු 03ක් ලබාගැනීමට සමත් වූ අතර ලහිරු කුමාර ලකුණු 22කට කඩුලු 02ක්ද, චාමික කරුණාරත්න ලකුණු 27කට කඩුලු 02ක්ද දවාගත්තා.

එසේම වනිදු හසරංග සහ දුෂ්මන්ත චමීර අතරේ එක් කඩුල්ල බැගින් බෙදී ගියා.

ඒ අනුව නියමිත පන්දුවාර 18.3 අවසානයේ අයර්ලන්ත කණ්ඩායමට සියලුදෙනා දැවී රැස්කර ගැනීමට හැකිවූයේ ලකුණු 101ක් පමණයි.

අයර්ලන්ත කණ්ඩායම වෙනුවෙන් වැඩිම ලකුණු ලාභියා වූ නායක Andrew Balbirnie පන්දු 39ක් තුළදි ලකුණු 41ක් ලබාගැනීමට සමත් වුණා.

ශ්‍රී ලංකා කණ්ඩායම තරඟය ලකුණු 70කින් ජයග්‍රාහණය කළ අතර තරගයේ වීරයා සම්මානය හිමිවූයේ අගනා ඉනීමක් ක්‍රීඩා කළ වනිදු හසරංගටයි.

එම ජයග්‍රාහණයත් සමග ශ්‍රී ලංකා කණ්ඩායම සුපිරි 12 දෙනාගේ වටයට සුදුසුකම් ලැබු අතර නෙදර්ලන්තයත් සමග පැවැත්වෙන මීළග තරගයත් ජයග්‍රාහණය කර ශ්‍රී ලංකා කණ්ඩායම A කාණ්ඩයේ ප්‍රමුඛයා බවට පත්වුවහොත් ඔවුන් මීළග වටයේදි ඕස්ට්‍රේලියාව, බටහිර ඉන්දීය කොදෙව්, දකුණු අප්‍රිකාව හා එංගලන්තය සමග පළමු කණ්ඩායමේ තරඟ වදිනු ඇතියි.

RECENT ARTICLES - SINHALA

කාර්‍යාලයේ වියදම් වැඩි නම් ප්‍රධානියාගේ පුද්ගලික මුදලින් අයකෙරේ

0
රජයේ වියදම් පාලනය කිරීම සඳහා භාණ්ඩාගාර ලේකම්වරයා නිකුත් කර ඇති චක්‍රලේඛයට පරිබාහිරව වියදම් සිදුකරනු ලබන්නේ නම් ඊට අදාළ වගකිව යුතු නිලධාරීන් විසින්...

සහල් මිල පහතට

වී අලෙවි මණ්ඩලය මගින් නිකුත් කරන සියලුම සහල් වර්ගවල මිල ගණන් රුපියල් 5කින් අඩුකිරීමට පියවරගත් බව කෘෂිකර්ම අමාත්‍යංශය පවසනවා.

ඉන්දියාවෙන් ශ්‍රී ලංකාවට තෑග්ගක්..! (PHOTOS)

0
ඉන්දියාව ශ්‍රී ලංකාවට ප්‍රදානය කළ ඩෝනියර් (INDO – 228) ගුවන් යානය අද (අගෝ. 15) ජනාධිපති රනිල් වික්‍රමසිංහ විසින් භාර ගනු ලැබ තිබෙනවා

RECENT ARTICLES - ENGLISH

Chinese students to follow the Master of Finance in Economics of the University of...

0
The Sri Lanka Embassy hosted the commencement ceremony, for a batch of Chinese students enrolled for the Master of Financial Economics Programme...

Long March 5B: Debris from Chinese rocket falls back to Earth

0
Chinese rocket debris has crashed to Earth over the Indian and Pacific oceans, US and Chinese officials say. China's...

Rights group seeks arrest of former Sri Lanka president in Singapore

0
A rights group documenting alleged abuses in Sri Lanka has filed a criminal complaint with Singapore’s attorney general, seeking the arrest of...