ඩොලර් බිලියන 4.5 ක් වටිනා චීන ණය ආපසු ගෙවීමට අපොහොසත් ශ්‍රි ලංකාව “ණය උගුලක්” පිලිබඳ භීතියක් පවතින අවස්ථාවක ශ්‍රී ලංකාව ඉන්දියාවට සමීප වෙමින් චීනයෙන් ඈත් වෙමින් සිටින බව විදෙස් මාධ්‍ය වාර්තාවක් පෙන්වා දී තිබෙනවා.
ණය බැඳීම් තෘප්තිමත් කිරීමට අවශ්‍ය නව අරමුදල් ලබාගැනීමේ ප්‍රමාදයන් හේතුවෙන් Fitch Ratings සහ Moody’s Investor Service යන ආයතන විසින් පසුගියදා ණය ශ්‍රේණි ගත කිරීම්වල දී ශ්‍රී ලංකාව පහත හෙළීමට කටයුතු කර තිබුණා.
අදාළ මාධ්‍ය වාර්තාව පෙන්වා දෙන්නේ ඒ අනුව ශ්‍රී ලංකාව ණය පැහැර හැරීමේ අද්දරට පැමිණ ඇති බවයි.
ශ්‍රී ලංකා ජනාධිපති ගෝඨාභය රාජපක්ෂ මහතා ජනවාරි 17 වැනි දින සිදු කළ චීන සංචාරය අතරතුර චීන විදේශ අමාත්‍ය වැන්ග් යී මහතා හමුවේ “කොවිඩ්-19 වසංගතය හමුවේ මතුව ඇති ආර්ථික අර්බුදයට විසඳුමක් ලෙස ණය ආපසු ගෙවීම ප්‍රතිව්‍යුහගත කිරීමට අවධානය යොමු කරන ලෙසට ඉල්ලීම් කර ඇතැයි මාධ්‍ය වාර්තාව පවසනවා.
පසුගිය සති කිහිපය තුළ රට සිය ඉන්ධන ආනයන බිල්පත් ගෙවීමට විශාල අරගලයක නිරත වූ බවත් මෑතකදී ශ්‍රී ලංකා විදේශ අමාත්‍ය ජී ඇල් පීරිස් මහතා දෙදින නිල සංචාරයකින් පසු ඉන්දියාව ශ්‍රී ලංකාවට ඩොලර් බිලියන 2.4 ක මූල්‍ය ආධාර ලබා දුන් අතර නවදිල්ලිය සමඟ විශේෂ සබඳතා සඳහා රජය කැප වෙන බවට එහි දී සහතික වී තිබුණු බවත් එම වාර්තාව වැඩි දුරටත් පෙන්වා දී තිබෙනවා.
ශ්‍රී ලංකා ඉන්දීය සබඳතා ශක්තිමත් වීම පිළිබඳ පැහැදිලි කරමින් එම වාර්තාව පවසන්නේ සීමාසහිත ඉන්දියන් ඔයිල් කෝපරේෂන් සමාගම විසින් ලබා දුන් මෙට්‍රික් ටොන් 40,000 ක ඉන්ධන තොගයක් ශ්‍රී ලංකාවේ ඉන්දීය මහ කොමසාරිස්වරයා විසින් ශ්‍රී ලංකා බලශක්ති අමාත්‍ය උදය ගම්මන්පිළ මහතා වෙත ලබා දුන් බවයි.
එම විදෙස් මාධ්‍ය වාර්තාව පහතින්,
