මෙවර ලෝක කුසලානය ජයගැනීමට ඒ සඳහා තරග වදින කණ්ඩායම්වලට ඇති හැකියාව පිළිබඳ Wisden සඟරාව විශේෂ ලිපියක් පල කොට තිබේ.
ඒ එක් එක් කණ්ඩායම සතු විශේෂ ක්රීඩකයින් සහ කණ්ඩායම්වල මෑතකාලීන දක්ෂතා පිළිබඳ අවධානය යොමු කරමින්.
එම ලිපියට අනුව T20 ලෝක කුසලාන තරගාවලිය ජයග්රහණය කිරීමට පවතින සම්භාවිතාව අනුව කර ඇති කණ්ඩායම් පෙළගැස්මේ ශ්රී ලංකාවට හිමිව ඇත්තේ නෙදර්ලන්තය කණ්ඩායමටත් වඩා පහළ ස්ථානයක්.
හත්වන විස්සයි විස්ස ලෝක ශූරතාවය හිමිකරගැනීමට එක් එක් කණ්ඩායමට ඇති සම්භාවිතාව පෙලගැස්සූ විට ශ්රී ලංකා කණ්ඩායම එහි 11වැන්නා බවට පත්වන බව මෙම ලිපිය පෙන්නුම් කරයි.
එහි ශ්රී ලංකා කණ්ඩායමේ වත්මන් තත්ත්වය පිළිබද දක්වා ඇති සඳහනේ වැඩිදුරටත් කියා පාන්නේ,
” මෙවර ශ්රී ලංකා සංචිතය මෑත කාලීනව තරග වදින දුර්වලතම ශ්රී ලංකා සංචිතයයි. ශ්රී ලංකා කණ්ඩායම සුපිරි කණ්ඩායම් 12ට සුදුසුකම් ලැබීමට අසමත් වුවද එය පුදුමයක් නොවෙයි. වනිදු හසරංග ඔවුන්ට සිටින විශිෂ්ට තරුවක්. නමුත් සංචිතය තුළ ඔහු තනිවෙනවා. ඉන්දියාව සමගින් තරගාවලිය ජයග්රහණය කිරීමට හැකිවුණේ බුවනේෂ්වර් හා කුල්දීප්ට හය,හත ස්ථාන වල පන්දුවට පහරදීමට සිදුවූ නිසයි. එම තරගාවලිය පසෙක තැබූ විට පසුගිය වසර දෙක තුළ ශ්රී ලංකාව විස්සයි විස්ස තරගාවලියක් ජයග්රහණය කිරීමට සමත් වී නැහැ.” යනුවෙන්.
කෙසේ වෙතත් Wisden සඟරාව ලිපියට අනුව මෙවර විස්සයි විස්ස ලෝක කුසලානය දිනා ගැනීමට වැඩිම අවස්ථාවක් ඇත්තේ ඉන්දීය කණ්ඩායමටයි.
එමෙන්ම එම සම්භාවිතා ලැයිස්තුවේ ලෝක කුසලානය දිනාගැනීමට දෙවන හා තෙවන ඉඩකඩක් ඇති කණ්ඩායම් ලෙස පිළිවෙලින් එංගලන්තයට හා බටහිර ඉන්දීය කොදෙව් කණ්ඩායම් නම් කර තිබේ.
මෙවර T20 ලෝක කුසලාන තරගාවලිය ජයග්රහණය කිරීමට පවතින සම්භාවිතාව අනුව Wisden සඟරාව සිදුකර ඇති කණ්ඩායම් පෙළගැස්ම පහත පරිදි වේ.
• ඉන්දියාව
• එංගලන්තය
• බටහිර ඉන්දීය කොදෙව්
• ඕස්ට්රේලියාව
• පාකිස්තානය
• නවසීලන්තය
• බංගලාදේශය
• දකුණු අප්රිකාව
• ඇෆ්ගනිස්තානය
• නෙදර්ලන්තය
• ශ්රී ලංකාව
• ස්කොට්ලන්තය
• අයර්ලන්තය
• ඕමානය
• නැමීබියාව
• පැපුවා නිව්ගිනියාව