සෞදි අරාබිය සමඟ ද්වී පාර්ශවික සම්බන්දතා වර්ධනය කරගැනීමට ජනාධිපති රනිල් වික්‍රමසිංහගේ අවධානය යොමුව තිබෙනවා.
ඒ අනුව පරිසර, අමාත්‍ය නසීර් අහමඩ් ශ්‍රී ලංකා ජනාධිපතිවරයාගේ විශේෂ නියෝජිතයා ලෙස ඉරිදා රියාද් නුවර වෙත ගොස් තිබුණු අතර එහිදී ඔහු සෞදි විදේශ කටයුතු නියෝජ්‍ය අමාත්‍ය Waleed Al-Khuraiji සහ Sultan Al-Marshad ඇතුළු රාජධානියේ නිලධාරීන් සමඟ සාකච්ඡා පවත්වා තිබෙනවා
එහිදී ශ්‍රී ලංකාවේ ජනාධිපතිවරයාගේ නියෝජිතයා වශයෙන් අමාත්‍යවරයා ප්‍රකාශ කොට ඇත්තේ සෞදි අරාබිය සමඟ බලශක්ති සහයෝගීතාව ඉහළ නැංවීමට රනිල් වික්‍රමසිංහ අපේක්ෂා කරන බවයි. ඒ අනුව දකුණු ආසියානු ජාතිය තුළ පිරිපහදුවක් පිහිටුවීමට ඔහු සෞදි රාජ්‍යයට ආරාධනා කර තිබෙනවා.
තවද ශ්‍රී ලංකා නියෝජිතයා එරට Arab News සමග විශේෂ සම්මුඛ සාකච්ඡාවකට එක්වෙමින් ඔහු එහිදී පෙන්වාදී ඇත්තේ සෞදි අරාබිය සමඟ සහයෝගීතාව වැඩිදියුණු කිරීම මගින් ශ්‍රී ලංකාවේ වර්තමාන ආර්ථික අර්බුදයට සහනයක් වනු ඇති බවයි. ශ්‍රී ලංකාව සෞදි අරාබිය සමග ගෑස් සහ බොරතෙල් සැපයීම ඇතුළු බලශක්ති හා ඉන්ධන අංශයන්හි දිගුකාලීන සබඳතා ඇති කර ගැනීමට සුදානම් බව ඔහු වැඩිදුරටත් පවසා තිබෙනවා.
තවද, ශ්‍රී ලංකාව රටේ පතල් කර්මාන්තය සඳහා සෞදි ආයෝජකයින් ගෙන්වා ගැනීමට අපේක්ෂා කරන බවත් සංචාරය පිළිබද සතුටු වියහැකි බවත් බදාදා දින මෙම සංචාරය නිමකළ ශ්‍රී ලංකා නියෝජිතයා ප්‍රකාශ කොට තිබෙනවා.
