බර්මියුඩා ත්රිකෝණය අසල ඇති නෞකාවක් මුහුණ දී ඇති අනතුරකට සමාන අනතුරකට ශ්රී ලංකාව මුහුණ දී ඇති බවත් තම පක්ෂය රනිල් වික්රමසිංහ මහතාට සහාය පළ කළේ ඒ මහතාගේ අත්දැකීම් සහ පරිණතභාවය නිල වශයෙන්ම බරපතළ ලෙස සැලකිල්ලට ගෙන බවත් ශ්රී ලංකා පොදුජන පෙරමුණේ මාධ්ය ප්රකාශක, පාර්ලිමේන්තු මන්ත්රී සංජීව එදිරිමාන්න පවසනවා.
ඒ, ඊයේ (01) ශ්රී ලංකා පොදුජන පෙරමුණු මූලස්ථානයේ පැවති මාධ්ය හමුවක් අමතමින්.
මෙහිදී වැඩිදුරටත් අදහස් දැක්වූ පාර්ලිමේන්තු මන්ත්රීවරයා,
“ඇයි අපි ගරු රනිල් වික්රමසිංහ මැතිතුමාට සහාය පළකරන්න තීන්දුවක් ගන්නෙ ? බර්මියුඩා ත්රිකෝණය ළඟදි නැවක් ආධුනික කපිතාන්වරයකුට පවරන්න බෑ. ඒ නිසා මේ අත්දැකීම් සහ පරිණතභාවය, දේශපාලනිකව ඔහු සතුව තිබෙන පරිචය අප නිල වශයෙන්ම බරපතළ ලෙස සැලකිල්ලට ගත්තා. මොකද, සමහරුන් මේ කාරණාව යම් යම් පුද්ගලයින්ගේ ආරක්ෂාව වෙනුවෙන්, පොහොට්ටුවේ මන්ත්රීවරුන්ගේ රැකවරණය වෙනුවෙන් ගත්ත හුදු පෞද්ගලික තීරණයක් විදියට ලඝු කරන්න උත්සාහ කරනවා. මම ඉතාම පැහැදිලිව අවංකව කියන්න කැමතියි මන්ත්රීවරුන් විදියට අපවත් ශ්රී ලංකා පොදුජන පෙරමුණ දේශපාලන ව්යාපාරයක් විදියටවත් ගරු ජනාධිපතිතුමන්ගෙන් කිසිදු පෞද්ගලික රැකවරණයක් අපේක්ෂා කරන්නේ නෑ”