ශ්රී ලංකා රජය විසින් ඉන්දියාවෙන් තවත් ඩොලර් බිලියනයක ණය පහසුකමක් ඉල්ලා ඇතිබව ජාත්යන්තර මාධ්ය වාර්තා කරනවා.
ඒ, අත්යවශ්ය භාණ්ඩ ආනයනය සඳහායි.
රොයිටර්ස් පුවත් සේවය පවසන්නේ අදාළ කරුණ පාර්ශව දෙකක් විසින් තහවුරු කළ බවයි.
2020 ජනවාරි සිට මේ දක්වා ශ්රී ලංකාව සතු විදෙස් විනිමය සංචිත 70%කින් පමණ පහළගොස් ඇති බව එම වාර්තාවේ වැඩි දුරටත් සඳහන් වනවා.
ඒ හේතුවෙන්, මේ වනවිට ඩොලරයට සාපේක්ෂව රුපියල පාවීමට ඉඩහැර ඇති අතර එබැවින් රුපියල දැඩි ලෙස බාල්දු වෙමින් පවතින බවයි එම පුවත් වාර්තාවේ සඳහන් වන්නේ.
මේ අතර, ජාත්යන්තර මූල්ය අරමුදල (IMF) සමඟ සාකච්ඡා ආරම්භ කිරීම සඳහා අමාත්ය බැසිල් රාජපක්ෂ මහතා ලබන මාසයේ ඇමරිකාවේ වොෂින්ටන් නුවර වෙත පියාසර කිරීමට නියමිත වනවා.