27 C
Colombo
Saturday, November 26, 2022

පළමු පුහුණු තරඟයෙන් ශ්‍රී ලංකාවට ජය

- Advertisement -

මේ මස 17 වැනිදා සිට එක්සත් අරාබි එමීර් සහ ඕමාන් රටවලදී ආරම්භ වීමට නියමිත පන්දුවාර විස්සයි-20 ලෝක කුසලාන ක්‍රිකට් තරගාවලියට පෙර සූදානමක් ලෙසින් ශ්‍රී ලංකාවට හිමි පළමු පුහුණු තරග අවස්ථාවේදීම බංග්ලාදේශ පිලට එරෙහිව කඩුලු 4 ක ජයක් වාර්තා කළ ශ්‍රී ලංකා කණ්ඩායම ලෝක කුසලාන ගමනට ජයග්‍රාහී ප්‍රවේශයක් ලබා ගැනීමට සමත් විය.

අබුඩාබිහි ටොලරන්ස් ක්‍රීඩාංගණයේ පැවැති මෙම තරගයේදී ජයග්‍රහණය සඳහා ලකුණු 148 ක ඉලක්කයක් හඹා ගිය ශ්‍රී ලංකා කණ්ඩායම 19 වැනි පන්දුවාරයේ සපුරා ගන්නා ලද්දේ තවත් කඩුලු 4 ක් ලකුණු පුවරුවේ ඉතිරිව තිබියදීය. ශ්‍රී ලංකා ජයග්‍රහණය වෙනුවෙන් අවිෂ්ක ප්‍රනාන්දු සහ චාමික කරුණාරත්න 7 වැනි කඩුල්ල වෙනුවෙන් පන්දු 49 කදි නොබිඳුණු ලකුණු 73 ක සම්බන්ධතාවක් පවත්වමින් ශ්‍රී ලංකා පිල ජයග්‍රහණය කරා රැගෙන ගියහ.

කැපී පෙනෙන පිතිහරඹයක නිරත වුණු අවිෂ්ක ප්‍රනාන්දු හයේ පහර 3 ක් සහ හතරේ පහර 2 ක් සමඟින් පන්දු 42 කදී ලකුණු 62 ක් ලබා ගත්තේ ජයග්‍රහණයේ වැඩි වගකීමක් දිනූ පිතිකරුවා බවට පත් වෙමිනි. ඔහුට අනගි සහායක් ලබා දුන් චාමික කරුණාරත්න පන්දු 25 කදී හයේ පහරක් සහ හතරේ පහරක් සමඟින් ලකුණු 29 ක් ලබා ගත්තේය.

අවසන් පන්දුවාර 3දී ශ්‍රී ලංකා ජයග්‍රහණය සඳහා ලකුණු 34 ක් ලබා ගත යුතු වුවත් 18 වැනි පන්දුවාරයේදී ටස්කින් අහමඩ් ලබා දුන් අතිරේක ලකුණු 3 ත් සමඟින් ලකුණු 21 ක් ලබා ගැනීමටත් 19 වැනි පන්දුවාරයේදී ලකුණු 13 ක් ලබා ගැනීමට සමත්වීම නිසා පන්දුවාරයක් ඉතිරිව තිබියදී ජයග්‍රහණය සනිටුහන් කිරීමට ශ්‍රී ලංකා පිලට අවස්ථාව උදාවිය. තරගය ජය ගත්තද කණස්සල්ලට ඇති එකම කරුණ වන්නේ අනෙක් පිතිකරුවන්ගෙන් බලාපොරොත්තුවන සේවය නොලැබීමය. චාමික සහ අවිෂ්කට පසු වැඩිම ලකුණු ලබාගත් පිතිකරුවා බවට පත්වූයේ පැතුම් නිස්සංක වන අතර ඔහුද ලකුණු 15 කට දැවී ගියේය.

පන්දු යැවීම අතින් ගත් විට ශ්‍රී ලංකා කණ්ඩායම කිසියම් ප්‍රගතියක් පෙන්නුම් කළ අතර එහිදී දුෂ්මන්ත චමීර කැපී පෙනුණි. ක්‍රියාත්මක කරන ලද පන්දුවාර 4 ලකුණු 27 කට සීමා කළ දකුණත් වේග පන්දු යවන්නා ප්‍රතිවාදී කඩුලු 3 ක් ද බිඳ හෙළුවේය. අවසන් තරග කීපයේදීම දැඩි ප්‍රගතියක් පෙන්නුම් කරන ළහිරු කුමාර සහ වනිඳු හසරංග සිය පන්දුවාර 4 දී ලකුණු 24 ක් පමණක් ලබා දෙමින් එක් කඩුල්ල බැගින් බිඳ හෙළූහ.

පන්දුවට පහර දීමේදී බංග්ලාදේශ පිතිකරුවන් අතර සෞම්‍ය සර්කාර් පන්දු 26 කදී ලකුණු 34 ක් රැස් කළේය. ඔහු හැරුණු විට සෙසු පිතිකරුවන්ට ලකුණු 16 සීමාව ඉක්මවාලීමට ශ්‍රී ලංකා පන්දු යවන්නෝ අවසර ලබා නොදුන්හ. පුහුණු තරග යටතේ ශ්‍රී ලංකාව සහභාගිවන මීළඟ පුහුණු තරගය ඔක්තෝබර් 14 වැනිදා පැපුවා නිව්ගිනියාවට එරෙහිව අබුඩාබිහිදී පැවැත්වෙනු ඇත

RECENT ARTICLES - SINHALA

හිටපු ජනාධිපති මෛත්‍රී සහභාගී වූ උත්සවයකට සෙනඟ නෑ

0
හිටපු ජනාධිපති මෛත්‍රිපාල සිරිසේන මහතා සහභාගී වූ උත්සවයකට සෙනඟ නොපැමිණීමේ සිද්ධියක් වාර්තා වනවා. අද (26) පෙරවරුවේ කොළඹ පදනම් ආයතනයේ...

මෙරටට කැරට් 22ට වැඩි රන් පැළඳ පැමිණීම තහනම් කරයි

0
කැරට් 22ට වැඩි රන් භාණ්ඩ පැළඳ ගුවන් මඟීන්ට මෙරටට පැමිණීම අත්හිටුවන බව මුදල් රාජ්‍ය අමාත්‍ය රංජිත් සියඹලාපිටිය මහතා පවසනවා.

ඩීසල් රැගත් නෞකාව දිවයිනට

0
චීනය විසින් ශ්‍රී ලංකාවට පරිත්‍යාග කරන ලද ඩීසල් ලීටර් මිලියන 10.6ක් රැගත් Super Eastern නෞකාව අද (26) කොළඹ වරායට පැමිණ තිබෙනවා.

RECENT ARTICLES - ENGLISH

COPE informs Fisheries Corporation to pay outstanding EPF/ETF payments

0
The Committee on Public Enterprises (COPE) has informed Fisheries Corporation to propose expeditious action on Rs.600 million outstanding EPF & ETF payments...

Dan Priyasath launched a ‘war’ against female teachers’ attire

0
A person named Dan Priyasath led a group of males to hold a protest in front of the Ceylon Teachers' Union office...

Keeping 5g of Ice: Death sentence to anyone, including school children

0
As of yesterday, the Supreme Court has the power to award the death penalty to anyone, including school children for possession of...