බෘෘනායි කණ්ඩායමට එරෙහිව වසර 16කට පසු පාපන්දු තරග ජයක් වාර්තා කිරීමට ශ්‍රී ලංකා කණ්ඩායම අද (05) සමත් වුවා.
ඒ තායිලන්තයේ පැවැති ජාත්‍යන්තර සුහද පාපන්දු තරගයෙන් ගෝල 1-0ක් ලෙස බෘෘනායි කණ්ඩායම පරාජය කරමින්.
තරගයේ පළමු අර්ධයේදී කිසිවෙකුට හෝ ගෝල වාර්තාකිරීමට නොහැකි වුවා.
ශ්‍රී ලංකාව වෙනුවෙන් ජයග්‍රාහී ගෝලය තරගයේ 57වන මිනිත්තුවේදී ලියෝන් පෙරේරා විසින් වාර්තා කළා.
ජාත්‍යන්තර පාපන්දු ශ්‍රේණිගත කිරීම්වල ශ්‍රී ලංකාව මේ වනවිට 200වන ස්ථානයේ පසුවනවා.
බෘෘනායි කණ්ඩායම එම සටහනේ රැඳී සිටින්නේ ශ්‍රී ලංකාවට වඩා ස්ථාන 15ක් ඉදිරියෙන්ය. එනම් 185වන ස්ථානයේයි.
ශ්‍රී ලංකා කණ්ඩායම අවසන්වරට 2009 වසරේදී බෲනායි කණ්ඩායම පරාජය කර තිබූ අතර, එහිදී ඔවුන් ගෝල 5-1ක පහසු ජයක් ලබා තිබුණා.
