ක්‍රිකට් පරිපාලනය කඩිනමින් වෙනස් කළ හැකි ක්‍රමවේදයක් පිළිබඳ සාකච්ඡාවක් ඊයේ (27) පස්වරුවේ පවත්වා තිබෙනවා.
මෙම සාකච්ඡාව ක්‍රීඩා අමාත්‍ය රොෂාන් රණසිංහගේ ප්‍රධානත්වයෙන් පැවැති බවයි වාර්තා වන්නේ.
ඊට අතුරු කමිටු නියෝජනය කළ හිටපු සාමාජිකයන් කිහිදෙනෙක් ද එක්ව සිට තිබෙනවා.
මෙහිදී යළිත් අතුරු කමිටුවක් පත් කිරීම වෙනුවට නිදහස් ස්වාධීන පරිපාලන කමිටුවක් පත්කර ඒ යටතේ ක්‍රිකට් ව්‍යවස්ථාව වෙනස් කර නිලවරණයකට යාමේ හැකියාව සම්බන්ධයෙන් සාකච්ඡා වී ඇති බවයි වාර්තා වන්නේ.
ඊට අමතරව ක්‍රිකට් නිලවරණයකට ඡන්ද සංඛ්‍යාව අඩු කිරීමට එහිදී අවධානය යොමුව තිබෙනවා.
කෙසේ වෙතත් පැවැති සාකච්ඡාවේ අවසන් එකඟතාවයක් පැමිණ නොමැති බවයි වැඩිදුරටත් වාර්තා වන්නේ.
