මෙරට ජාතික ක්රිකට් කණ්ඩායම පත්වී ඇති අවාසනාවන්ත තත්වය පිළිබඳව දැඩිලෙස කණගාටුවට පත්වන බව ශ්රී ලංකා ක්රිකට් ආයතනයේ හිටපු සභාපතිවරයෙකු වන තිලංග සුමතිපාල පවසනවා.
යූටියුබ් නාලිකාවක් සමග පැවති සාකච්ඡාවකදී අදහස් දක්වමින් ඔහු පවසා සිටියේ ක්රිකට් ක්රීඩාව සම්බන්ධයෙන් වර්තමානයේදී කිසිදු ජාතික සැළැස්මක් නොමැති බවත්, මේ වනවිට ක්රිකට් ක්රීඩාව සම්පූර්ණයෙන් දේශපාලනීකරණය වී ඇති බවත් ය.
ක්රිකට් ක්රීඩාව ඉදිරියට ගෙනයාම සඳහා ජාතික සැලසුම් සකස් කර ඒවා නිවැරදිව ක්රියාත්මක කිරීම තමන් ක්රිකට් ආයතනය සම්බන්ධ වී කටයුතු කළ කාලසීමාවලදී නිවැරදිව සිදු වූ නමුත් විවිධ ඇමතිවරුන් විසින් අතුරු පාලන කමිටු පත් කිරීම හරහා එම ජාතික සැළසුම් සම්පූර්ණයෙන් ක්රියාත්මක කිරීමට නොහැකි වූ බවත් ඔහු පෙන්වා දෙනවා.
වත්මන් තේරීම් කමිටුවේ සැළසුම් රහිත තීරණ හේතුවෙන් ක්රීඩකයන්, ප්රේක්ෂකයන්ගේ වෛරයට පාත්ර වී ඇති බවත් මේ නිසා ක්රීඩකයන්ට ආදරය කළ ප්රේක්ෂකයන්ම සමාජ මාධ්ය හරහා ක්රීඩකයන් විවේචනය කරන තත්වයට, ප්රතික්ෂේප කරන තත්වයට පත්ව ඇති බවද තිලංග සුමතිපාල පවසනවා.