IPL ක්රිකට් 14 වන අදියර සදහා ක්රීඩක වෙන්දේසිය චෙන්නායි නුවරදී ඊයේ (18) පැවත්වුණා.
එහිදී කිසිදු කණ්ඩායමක් ශ්රී ලාංකික ක්රීඩකයෙකු මිලදී ගැනීමට ඉදිරිපත් නොවීම විශේෂත්වයක්.
මීට පෙර පැවති සෑම IPL තරඟාවලියකදී ශ්රී ලාංකික ක්රීඩකයන් මිලදී ගැනීමට බොහෝ ඉන්දීය කණ්ඩායම් ඉදිරිපත් වුවද මෙවර එකදු ක්රීඩකයෙකු හෝ මිලදි ගෙන නැහැ.
මෙවර IPL ක්රීඩක වෙන්දේසිය සඳහා ශ්රී ලංකා ක්රීඩකයින් 9 දෙනෙකු ඉදිරිපත් කෙරෙන බවට ප්රකාශ කර තිබුණත් ඊයේ පැවති ක්රීඩක වෙන්දේසියේදී ඉදිරිපත් කර තිබුණේ ශ්රී ලාංකික ක්රීඩකයින් තිදෙනෙකු පමණයි.
ඒ අනුව කුසල් ජනිත් පෙරේරා, තිසර පෙරේරා සහ ඉකුත් වසරේ IPL තරගාවලියේදී රෝයල් චැලේන්ජර්ස් බැංග්ලෝර් කණ්ඩායම නියෝජනය කළ ඉසුරු උදානයි.
ඔවුන් තිදෙනාවත් කිසිදු කණ්ඩායමකට මිලදී නොගැනීම මේ වන විට ශ්රී ලංකා ක්රිකට් වැටී ඇති ආගාධය මැනවින් පිළඹිබු කරන්නක් වනවා.