ඊයේ (08) පස්වරුවේ දිවුරුම් දුන් රාජ්ය අමාත්යවරුන්ගේ විශේෂ හමුවක් පැවැත්විණ.
ශ්රී ලංකා පොදුජන පෙරමුණ පක්ෂ කාර්යාලයේදී එම හමුව සංවිධානය කර තිබුණු අතර පාර්ලිමේන්තු මන්ත්රි නාමල් රාජපක්ෂ මහතාගේ ප්රධානත්වයෙන් එය සිදු විය.
මේ අතර, නව රාජ්ය අමාත්යවරුන් 37 දෙනෙකු ඊයේ පෙරවරුවේ ජනාධිපති රනිල් වික්රමසිංහ ඉදිරියේ දිවුරුම් දුනි. ඒ අතර සමගි ජන බලවේගයේ මෙන්ම ශ්රී ලංකා නිදහස් පක්ෂයේ නියෝජිතයන් ද වීම විශේෂත්වයක්.
මේ අතර, අමාත්යධුර භාරගත් ශ්රී ලංකා නිදහස් පක්ෂයේ මන්ත්රීවරුන් එම අමාත්යධුර ලබාගෙන ඇත්තේ ශ්රී ලංකා නිදහස් පක්ෂයේ කිසිදු අනුමැතියකින් තොරව බව හිටපු ජනාධිපති, ශ්රීලනිප සභාපති මෛත්රීපාල සිරිසේන මහතා නිවේදනයක් නිකුත් කරමින් පවසනවා.
පක්ෂයේ තීරණවලට පටහැනිව රජයේ අමාත්යධුර භාරගැනීම කිසිසේත් අනුමත නොකර බවද ඔහු තරයේ සඳහන් කර තිබෙනවා.