නගරාන්තර, හා දුරගමන් සේවා සහ විශේෂ සීඝ්‍රගාමී දුම්රියවල ප්‍රවේශපත් ගාස්තු 50-60% පමණ ඉහල දැමීමට දුම්රිය බලධාරින් කටයුතු කර ඇති බව ශ්‍රි ලංකා දුම්රිය ස්ථානාධිපතිවරුන්ගේ සංගමය පවසනවා.
මේ හේතුවෙන් මඟි ජනතාව දැඩි දුෂ්කරතාවයන්ට පත්ව සිටින බවයි ඔවුන් පෙන්වා දෙන්නේ.
ඉදිරියෙදි සමාන්‍ය දුම්රිය ප්‍රවේශපත්‍ර ගාස්තුව හා වාර ප්‍රවේශපත්‍ර ගාස්තුව ඉහල යාමේ අවදානමක්ද ඇතිවි තිබෙන බවත් මේ වනවිට ජනතාව දැඩි ආර්ථික අර්බුදයකට ලක්ව සිටින නිසා මේ අවස්ථාවෙදි දුම්රිය ගාස්තු ඉහල යාම සුදුසු නොවන බවත් එම සංගමයේ ලේකම් කසුන් චාමර මහතා සදහන් කර සිටිනවා.
update
අද (24) පස්වරුවේ දී ශ්‍රී ලංකා දුම්රිය දෙපාර්තමේන්තුව විසින් නිකුත් කරන ලද දුම්රිය ගාස්තු සංශෝධනය පිළිබඳ නව ගාස්තු ඇතුළත් ලිපිය තමන් වහාම ක්‍රියාත්මක වන පරිදි අත්හිටුවීමට පියවර ගත් බව ප්‍රවාහන අමාත්‍ය දිලුම් අමුණුගම මහතා පවසනවා.
ඒ අනුව අද මධ්‍යම රාත්‍රියේ සිට කිසිදු දුම්රිය ගාස්තු වැඩිවීමක් සිදු නොවන බවයි ඒ මහතා පවසන්නේ.
නමුත් අද රාත්‍රියේ පැවැත්වෙන සාකච්ඡාවෙන් අනතුරුව එළඹෙන සඳුදා, හෝ අඟහරුවාදා දිනවලදී දුම්රිය ප්‍රවේශ පත්‍ර ගාස්තු ඉහළ දැමීමක් සිදු විය හැකි බවට අමාත්‍යවරයා සඳහන් කළා.
දුම්රිය සාමාන්‍යාධිකාරි ඇතුළු නිලධාරින් සමග ගාස්තු වැඩිවීම පිළිබඳ වන සාකච්ඡාව අද පස්වරුවේ සිදු කිරීමට නියමිත අතර, කිසියම් අයුරකින් මාධ්‍ය වෙත තවමත් එකඟ නොවූ ගාස්තු වැඩි කිරීමේ ලිපිය මුදා හැර ඇති බව ද අමාත්‍ය අමුණුගම සඳහන් කළා.
