ඉන්ධන මිල ඉහළ යෑමට හේතු වූ කරුණු රජය විසින් පැහැදිලි කර ඇති බවත් එය ඉක්මනින් අඩු කිරීමට පියවර ගනිමින් සිටින බවත් රාජ්‍ය අමාත්‍ය නාලක ගොඩහේවා මහතා ප්‍රකාශ කර තිබෙනවා.
ඔහු ඊයේ (16) මාධ්‍ය හමුවේ කියා සිටියේ ආණ්ඩුවේ හවුල්කාරී පක්ෂ මේ සම්බන්ධයෙන් විවිධ අදහස් ප්‍රකාශ කර ඇති බවත් ඒ සඳහා ඔවුන්ට අයිතියක් ඇති බවත් ය.
රජයේ පොදු මතය ලෙස සැලකිය හැක්කේ ජනාධිපතිවරයා සහ අග්‍රාමාත්‍යවරයාගේ පොදු මතය බවත්, සෙසු පක්ෂවල මත රජයේ ස්ථාවරය ලෙස නොසැලකිය යුතු බවත් ඔහු මෙහිදී ප්‍රකාශ කළා.
ඇමති බැසිල් රාජපක්ෂ යනු රජයේ තීරණවලට බලපෑම් කළ හැකි රජයේ ප්‍රමුඛ පුද්ගලයෙක් බව ද රාජ්‍ය අමාත්‍යවරයා වැඩි දුරටත් පවසා තිබෙනවා.
ඉන්ධන මිල ගණන් ඉහළ නංවන අවස්ථාවේ ඔහු සිටියේ නම් ඇතැම් විට ඔහු ඊට විරුද්ධත්වය ප්‍රකාශ කිරීමට ද ඉඩ තිබුණු බව ද රාජ්‍ය අමාත්‍යවරයා සඳහන් කර සිටියා.
