අඩු ආදායම්ලාභී පවුල්වල විදුලි බිල තුලනය කිරීමට අනුගමනය කළ හැකි ක්‍රමවේදයන් පිළිබඳව එක්සත් ජාතීන්ගේ සංවිධානයේ මෙරට නේවාසික නියෝජිත මාර්ක් ඇන්ඩ්‍රේ ෆ්රැන්චේ මහතා සමඟ සාකච්ඡා කළ බව විදුලිබල හා බලශක්ති අමාත්‍ය කංචන විජේසේකර මහතා පවසනවා.
මාර්ක් ඇන්ඩ්‍රේ ෆ්රැන්චේ මහතා සහ අමාත්‍යාවරයා අතර සාකච්ඡාවක් විදුලිබල හා බලශක්ති අමාත්‍යාංශයේදී අද (18) පැවැත්වුණා.
අමාත්‍යවරයා වැඩිදුරටත් පැවැසුවේ මෙම සාකච්ඡාවේදී ශ්‍රී ලංකාවට පුනර්ජනනීය බලශක්ති ව්‍යපෘති වෙනුවෙන් ගතහැකි හරිත මූල්‍ය පහසුකම් සම්බන්ධයෙන්ද අවධානය යොමු කළ බවයි.
පුනර්ජනනීය බලශක්තිය වෙනුවෙන් රජයේ ප්‍රතිපත්ති සහ සැලසුම්, විදුලිබල ක්ෂේත්‍රයේ ප්‍රතිව්‍යුහගත කිරීමේ වැඩපිළිවෙළට අදාළ ආකෘතිය සහ ප්‍රතිව්‍යුහගත කිරීමේ වැඩපිළිවෙළට සංවර්ධන නියෝජිත ආයතන ලබාදෙන සහය ආදී කාරණා පිළිබඳවද එහිදී සාකච්ඡා කළ බව අමාත්‍යවරයා සඳහන් කළා.
