ඉන්දියා-චීන සැබෑ පාලන රේඛාව (LAC) හරහා චීනය සිදුකිරීමට උත්සාහ කරන ඒකපාර්ශ්වික මැදිහත්වීම් වලට සහ ආක්‍රමණයකට තමන් විරුද්ධ බව එක්සත් ජනපදය පවසයි.
එක්සත් ජනපදය මේ බව ප්‍රකාශ කර ඇත්තේ චීන ජනාධිපති ෂී ජින්පින්ග් ඉන්දියා-චීන දේශසීමාවේ ස්ථානගත කර සිටින මහජන විමුක්ති හමුදාවේ සොල්දාදුවන් හමුවී ඔවුන්ගේ සටන් සුදානම පරික්ෂා කිරීමෙන් දින කිහිපයකට පසුවයි.
ඇමරිකා රාජ්‍ය දෙපාර්තමේන්තුවේ මාධ්‍ය හමුවකදී ඉදිරිපත් කරන ලද, ෂී ජින්පින්ග් සටන් සූදානම පරීක්ෂා කිරීම පිලිබඳ ප්‍රශ්නයකට ප්‍රතිචාර වශයෙන්, දෙපාර්තමේන්තුවේ ප්‍රධාන නියෝජ්‍ය මාධ්‍ය ප්‍රකාශක වෙඩන්ට් පටෙල් පෙන්වාදී ඇත්තේ, එක්සත් ජනපදය චීනයේ මෙම හැසිරීම සමීපව නිරීක්ෂණය කරන බවයි.
දේශසීමාව හරහා හෝ පාලන රේඛාව හරහා ආක්‍රමණ සිදුකිරීමට හෝ මිලිටරි සහ සිවිල් වැසියන් හරහා භුමිය අත්පත් කරගැනීමට හිමිකම් ප්‍රවර්ධනය කිරීමට හෝ දරන ඕනෑම ඒකපාර්ශ්වික උත්සාහයකට ඇමෙරිකාව දැඩි ලෙස විරුද්ධ බවද පටෙල් අවධාරණය කර ඇත.
මතභේදාත්මක දේශසීමා මායිම් පිළිබඳව සාකච්ඡා කිරීම සඳහා පවතින ද්විපාර්ශ්වික මාර්ග භාවිත කිරීමට එක්සත් ජනපදය ඉන්දියාව සහ චීනය දිරිමත් කරන බවද පටෙල් තවදුරටත් පවසා තිබේ.
