වහාම ක්‍රියාත්මක වන පරිදි ජ්‍යෙෂ්ඨ නියෝජ්‍ය පොලිස්පතිවරු 07 දෙනෙකු ස්ථාන මාරුකර ඇති බව පොලීසිය පවසනවා.
ඒ අනුව ජ්‍යෙෂ්ඨ නියෝජ්‍ය පොලිස්පති ලලිත් පතිනායක මහතා පොලිස් මූලස්ථානයේ සිට මධ්‍යම පළාත භාර ජ්‍යෙෂ්ඨ නියෝජ්‍ය පොලිස්පතිවරයා ලෙස මාරුකර යවා තිබෙනවා.
ලලිත් පතිනායක මහතාට මාසයක කාලයක් ඇතුළත ලබාදුන් දෙවනි ස්ථාන මාරුව මෙය වනවා.
මීළඟ පොලිස්පති ධූරය සඳහා ලලිත් පතිනායක මහතාගේ නමද යෝජනා වී තිබීම විශේෂත්වයක්.
එසේම ජ්‍යෙෂ්ඨ නියෝජ්‍ය පොලිස්පති ප්‍රියන්ත වීරසූරිය මහතා මධ්‍යම පළාත භාර ජ්‍යෙෂ්ඨ නියෝජ්‍ය පොලිස්පති තනතුරේ සිට ජ්‍යෙෂ්ඨ නියෝජ්‍ය පොලිස්පති අපරාධ හා රථවාහන තනතුර දක්වා මාරුකර තිබෙනවා.
2022/04/01 දිනයෙන් පසුව ප්‍රියන්ත වීරසූරිය මහතාට ලැබුනු තුන්වන ස්ථාන මාරුව එය වනවා.
මේ අතර ජ්‍යෙෂ්ඨ නියෝජ්‍ය පොලිස්පති එස්.පී. මැදවත්ත මහතා ජ්‍යෙෂ්ඨ නියෝජ්‍ය පොලිස්පති සහායක සේවා සහ වයඹ පළාත භාර ජ්‍යෙෂ්ඨ නියෝජ්‍ය පොලිස්පති තනතුරේ සිට දකුණු පළාත භාර ජ්‍යේෂ්ඨ නියෝජ්‍ය පොලිස්පතිවරයා ලෙස මාරුකර තිබෙනවා.
මේ අතර ජ්‍යෙෂ්ඨ නියෝජ්‍ය පොලිස්පති ඩබ්. කේ ජයලත් මහතා නැගෙනහිර පළාත භාර ජ්‍යෙෂ්ඨ නියෝජ්‍ය පොලිස්පති තනතුරේ සිට වයඹ පළාත භාර ජ්‍යෙෂ්ඨ නියෝජ්‍ය පොලිස්පති ලෙස පත්කර තිබෙන බවට වාර්තා වෙනවා.
