සීනි මිල ලබන සතියේ සිට අඩු කිරීම වෙන්‍ය්වෙන් යම් වැඩපිළිවෙළක් ක්‍රියාත්මක කරන බව සමුපකාර සේවා, අලෙවි සංවර්ධන හා පාරිභෝගික ආරක්ෂණ රාජ්‍ය අමාත්‍ය ලසන්ත අලගියවන්න මහතා පවසනවා.
ඉදිරි දෙසතිය තුළ සීනි කිලෝග්‍රෑමයක් රුපියල් 125ක් වැනි මිලකට පාරිභෝගිකයින්ට ලබාදීමට කටයුතු කරන බවයි ඔහු පවසන්නේ.
සීනි වලට පාලන මිලක් නොමැති නිසා වැටළීම් කළ නොහැකි නමුත් පාලන මිලක් පැනවීමද ප්‍රායෝගික නොවන බවත් ඔහු පවසනවා කෙසේ නමුත් සීනි මිල උපරිමය රු. 125කට වඩා අඩුමිලකට ලබාදීමට අවශ්‍ය ක්‍රියාමාර්ගය රජය දැනටමත් ගෙන ඇති බවයි ඔහු පවසන්නේ.
මෙරට වෙළෙඳපොළ තුළ මේ වන විට සීනි කිලෝවක් අලෙවි වන්නේ රුපියල් 200කට වඩා වැඩි මිලකටයි.
සති කිහිපයක් තුළ සීනි කිලෝවක් රුපියල් 100කට වැඩි මිලකින් ඉහළ ගොස් තිබුණද ම්බන්ධයෙන් තමන්ට කළ හැකි කිසිවක් නොමැති බව රාජ්‍ය අමාත්‍යවරයා මින් පෙර අවස්ථාවකදී කියා සිටියා.
මෙසේ සීනි මිල ඉහළ දමා ඇත්තේ, ආනයන බද්ද වසරකට ආසන්න කාලයක් ශත 25ක් ලෙස නොවෙනස්ව පවතින පසුබිමකයි.
මෙම මිල වැඩි කිරීම කූඨ වෙළෙඳුන් විසින් සිදුකරන බවට හඳුනාගෙන නමුත් ඉහළ මිලකට අලෙවි කෙරෙන සීනි මිල පාලනය කිරීම සඳහා ප්‍රමාණවත් නීතිමය ප්‍රතිපාදන නොමැති බවයි ඔහු එහිදී පවසා සිටියේ.
