සීනි ආනයනය කිරීමට යළිත් අවසර ලබාදී ඇති බව අත්‍යවශ්‍ය සේවා කොමසාරිස් ජනරාල් මේජර් ජෙනරල් සෙනරත් නිවුන්හැල්ල මහතා සදහන් කරනවා.
ඒ මහතා වැඩිදුරටත් සදහන් කරන්නේ සීනි ආනයනය කිරීම සදහා අවශ්‍ය කටයුතු සිදුකරන ලෙසට මුදල් අමාත්‍යවරයා විසින් නිලධාරීන්ට උපදෙස් ලබා දුන් බවයි.
මෙරට සීනි හිඟයක් ඇතිව ඇත්තේ වෙළෙඳුන් සීනි තොග සඟවා ගෙන සිටින බැවින් යැයි පවසා පාරිභෝගික කටයුතු අධිකාරිය සඟවා ඇති සීනි තොග සොයා පසුගිය ජුනි මාසයේ සිට වැටලීම් ආරම්භ කළා.
ඒ අනුව වත්තල, හුණුපිටිය, බ්ලූමැන්ඩල්, ඔරුගොඩවත්ත යනාදී ප්‍රදේශවල ගබඩාවල තිබූ සීනි තොග පාරිභෝගික සේවා අධිකාරිය යටතට ගෙන සතොස හා සමූපකාර හරහා වෙළෙඳපොළට නිකුත් කරනු ලැබූවා.
එහෙත් වෙළෙඳපොලේ සීනි හිඟයක් දිගින් දිගටම පැවති අතර සීනි සඳහා පාලන මිලක් දමා තිබුණද එම මිලට සීනි මිලදී ගැනීමට තැනක් නොමැති බවට පාරිභෝගිකයන් චෝදනා කළා.
