25 C
Colombo
Monday, October 14, 2024

ශ්‍රී ලංකාවට සුපිරි පාපන්දු ජයක්

- Advertisement -

ආසියානු පාපන්දු කුසලානයේ සුදුසුකම් ලැබීමේ තරගාවලියේ අවසන් වටයට පිවිසීමට ශ්‍රී ලංකා කණ්ඩායම ඊයේ (10) සමත් වුණා.

ඒ, ‍ආසියානු කුසලාන සුදුසුකම් ලැබීමේ තරගාවලියේ දෙවන වටය යටතේ පැවති තරගයකදී කාම්බෝජය පරාජයට පත්කරමින්.

ඔවුන් පාපන්දු ශ්‍රේණිගත කිරීම්වල 180 වැනි ස්ථානයේ පසුවනවා.

ආසියානු කුසලාන පාපන්දු තරගාවලියට සුදුසුකම් ලැබීමේ තරග වටයේ ශ්‍රී ලංකාව සහ කාම්බෝජය අතර දෙවන අදියරේ තරගය ඊයේ පැවැත්වුණේ කාම්බෝජයේදි යි.

තරගයේ පළමු අර්ධයේ 37 වැනි මිනිත්තුවේදි ගෝලයක් වාර්තා කළ ශ්‍රී ලංකාව පළමු අර්ධය නිමා වනවිට ගෝල 1ට 0ක් ලෙස පෙරමුණ ගත්තා.

නමුත් දෙවන අර්ධයේ 51 වැනි මිනිත්තුවේදී ක්‍රියාත්මක වූ කාම්බෝජය ගෝලයක් රැස් කරමින් තරගයේ ගෝල සමකළ අතර තරගයේ නියමිත කාලය අවසන් වනවිට කණ්ඩායම් දෙකම ගෝල එක බැගින් රැස්කරගෙන සිටියා.

ඒ අනුව, ජයග්‍රාහී කණ්ඩායම තෝරා ගැනීමට ලබාදුන් අතිරේක කාලයේදී තවත් ගෝලයක් රැස්කළ කාම්බෝජය අවසන් මිනිත්තුව දක්වාම තරගයේ පෙරමුණ ගත්තා.

කෙසේ වෙතත් තරගයේ අවසන් මිනිත්තුවේදී ශ්‍රී ලංකාව ගෝලයක් රැස්කළේ නැවතත් තරගයේ ගෝල සංඛ්‍යාව සමකරමින්.

ඒ අනුව, ජයග්‍රහකයින් තේරීමට දඬුවම් පහර අවස්ථාව ක්‍රියාත්මක කෙරුණා.

එහිදී කාම්බෝජයේ පළමු දඩුවම් පහර අවස්ථාව ව්‍යර්ථ කිරීමට ශ්‍රී ලංකා ගෝල රකින්නා වන සුජාන් පෙරේරා සමත්වුණේ කාම්බෝජය දෙසට පීඩනය එල්ල කරමින්.

ශ්‍රී ලංකාව සිය මුල් දඩුවම් පහර අවස්ථා 4ම සාර්ථක කර ගැනීමට සමත් වූ අතර කාම්බෝජයට දඬුවම් පහර අවස්ථාවේදි සාර්ථක කර ගත්තේ අවස්ථා 2ක් පමණයි.

ඒ අනුව, ශ්‍රී ලංකාව 2027 ආසියානු කුසලාන පාපන්දු තරගාවලියේ සුදුසුකම් ලැබිමේ අවසන් වටයට සුදුසුකම් ලබාගත්තා.

RECENT ARTICLES - SINHALA

කටුකුරුන්දේ දුම්රිය අනතුර සියදිවි නසාගැනීමක් බවට අනාවරණයක්

කළුතර කටුකුරුන්ද දුම්රිය ස්ථානයේදී තිදෙනෙකුට දිවි අහිමි කරමින් ඊයේ (12) රාත්‍රියේ සිදුවූ දුම්රිය අනතුර සියදිවි නසා ගැනීමක ප්‍රතිඵලයක් බවට පොලීසියට තොරතුරු අනාවරණ වී තිබෙනවා. පොලීසිය...

මාලිමාවෙන් පාර්ලිමේන්තුවට රත්නපුරෙන් එන අය මෙන්න

මෙවර මහමැතිවරණය සදහා ජාතික ජන බලවේගයෙන් රත්නපුර දිස්ත්‍රික්කයෙන් අපේක්ෂකයින් 14 දෙනෙකු ඉදිරිපත්වි තිබෙනවා. ඒ අනුව, අපේක්ෂකයින් පසුගිය 11 වැනිදා රත්නපුර දිස්ත්‍රික් ලේකම් කාර්‍යාලයේදී නාමයෝජනා භාර...

තවත් චීන ජාතිකයින් පිරිසක් අත්අඩංගුවට

අන්තර්ජාලය ඔස්සේ මූල්‍ය වංචාවලට සම්බන්ධ බවට සැක කෙරෙන චීන ජාතිකයින් 15 දෙනෙකුගෙන් යුත් කණ්ඩායමක් වැලිකඩ, කෝට්ටේ ප්‍රදේශයේදී අත්අඩංගුවට ගෙන තිබෙනවා. පොලිස් මාධ්‍ය ප්‍රකාශක නියෝජ්‍ය පොලිස්පති...

POPULAR ARTICLES

ජොන්ස්ටන්ගේ BMW සෙල්ලම ගැන තවත් තොරතුරු එළියට

ලියාපදිංචි නොකළ BMW කාර් රථයක් භාවිතා කළ බවට සිදු කරන විමර්ශනකට අදාළව හිටපු පාර්ලිමේන්තු මන්ත්‍රී ජොන්ස්ටන් ප්‍රනාන්දුට විදේශ ගමන් තහනමක් කොටුව මහේස්ත්‍රාත් අධිකරණය විසින්...

එළවළු සහ මාළු මිල ගණන් පහළට

0
මේ දිනවල සියලු ආර්ථික මධ්‍යස්ථානවල එළවළු මිලෙහි මෙන්ම මත්ස්‍ය මිල ගණන් ද සීඝ්‍රයෙන් පහත බැස ඇති බවයි වෙළෙදුන් පවසනවා. වැඩි එළවළු අස්වැන්නක් ලැබීම හේතුවෙන් වෙළඳපොල...

බස්නාහිර පළාතේ පාසල් කිහිපයක් වසා දැමේ

පවතින අයහපත් කාලගුණයේ හේතුවෙන් බලපෑ ආපදා තත්ත්වය හේතුවෙන් කැලණිය සහ මීගමුව අධ්‍යාපන කලාපවල පාසල් හතරකට හෙට (14) දිනයේ නිවාඩු ලබා දී තිබෙනවා. අනුව කැලණිය මහා...