රියදුරු බලපත්‍රයක් නොමැතිව යතුරුපැදියක් පදවාගෙන ගිය බව කියන පුද්ගලයෙකුගෙන් අල්ලස් ලබා ගත් කන්තලේ මූලස්ථාන පොලිසියට අනියුක්තව සේවය කරන පොලිස් සැරයන්වරයෙකුගේ සහ පොලිස් කොස්තාපල්වරයකුගේ වැඩතහනම් කර තිබෙනවා.
පසුගිය 8 වෙනිදා මෙම නිලධාරීන් විසින් කන්තලේ තැපැල් කාර්යාලය අසලදී යතුරු පැදියක් නතර කර පරීක්ෂාකර බැලීමේදි එහි රියදුරු සතුව රියදුරු බලපත්‍රයක් නොමැති බව අනාවරණය වී තිබෙනවා.
පොලීසිය පවසන්නේ, අනතුරුව මෙම පොලිස් සැරයන්වරයා සහ කොස්තාපල්වරයා රියදුරුට එරෙහිව අධිකරණයේ නඩු පැවරීමෙන් වැළකී සිටීම සඳහා ඔහුගෙන් රුපියල් 1000ක මුදලක් බලහත්කාරයෙන් ලබා ගැනීමට කටයුතු කර ඇති බවයි.
ඒ අනුව, මූලික විමර්ශනයක් පවත්වා අද (10) සිට ක්‍රියාත්මක වන පරිදි මෙම නිලධාරීන් දෙදෙනාගේ වැඩතහනම් කිරීමට කන්තලේ පොලීසිය පියවර ගෙන තිබෙනවා.
