චීනය විසින් දිගින් දිගටම ආක්‍රමණශීලි ලෙස හැසිරෙමින් කලාපයේ සාමයට බාධා කරන බවට තායිවානය චෝදනා එල්ල කරයි.
තායිවාන අගමැති සූ ටීසෙන්ග් චැන්ග් පවසන්නේ චීනය හිතාමතාම සිය මිලිටරි බලය ආක්‍රමණශීලි ලෙස යොදාගනිමින් කලාපයේ සාමයට බාධා සිදුකරන බවයි.
මෙම චෝදනා එල්ල කිරීමට හේතුවී ඇත්තේ චීනයේ ගුවන් යානා 38 ක් පමණ හදිසියේම තායිවාන ගුවන් සීමාව උල්ලංඝනය කිරීමයි.
ඉන් යානා 25 ක් එක් කණ්ඩායමක් ලෙස දහවල් කාලයේත් අනෙක් යානා 13 තවත් කණ්ඩායමක් ලෙස රාත්‍රි කාලයේදීත් මෙම ආක්‍රමණකාරී හැසිරීම සිදු කර ඇති බව තායිවාන බලධාරීහු සදහන් කරති.
මෙය තායිවානය චීනයේ මෙවැනි බලහත්කාරී ගුවන් ආක්‍රමණ වාර්තා කිරීම ඇරඹූ වසර දෙකක පමණ කාලය තුළ වාර්තා වූ බරපතලම ගුවන් සීමා ආක්‍රමණය බව සදහන් වේ.
