රුසියාව යුක්රේනය ආක්රමණය කිරීම තායිවානය තුළ ද භීතියක් මතු කර ඇති බව වාර්තා වේ.
ඒ චීනය ද රුසියාව අනුගමනය කර තායිවානය ඈඳා ගැනීමට බලය භාවිතා කිරීමට උත්සාහ කරනු ඇති බවට සැක මතුවීම හේතුවෙන්.
චීනය දිනපතාම පාහේ තායිවානයේ ගුවන් කලාපයට අනවසරයෙන් ගුවන් යානා යවන අතර එහි අරමුණ තායිවානයේ ආරක්ෂක පද්ධති හඳුනාගැනීම බව විශ්වාස කෙරේ.
ෆිනෑන්ෂල් ටයිම්ස් වාර්තාවක් පවසන්නේ මේ පසුබිම තුළ රුසියානු හමුදාවන්ගේ ඉදිරි ගමන නතර කිරීමට යුක්රේන ජනතාව භාවිතා කරන ක්රියාමාර්ගවල සාර්ථකත්වය පිළිබඳව තායිවාන ජනතාව වැඩි උනන්දුවක් දක්වන බවයි.
ජාත්යන්තර සහයෝගීතාවය සහ ආධාරවලට අමතරව තායිවානයේ ආරක්ෂාව ජනතාවගේ එකමුතුකම මත රඳා පවතින බව යුක්රේනයේ තත්ත්වය ගෙනහැර දක්වමින් තායිවානයේ ජනාධිපති ට්සායි ඉන්ග්වෙන් අවධාරණය කර තිබේ.
මේ අතර තායිවානයේ ගුවන් හමුදාව සහ නාවික හමුදාව තායිවාන සමුද්ර සන්ධියේදී තායිපේ හි ගුවන් ආරක්ෂක හැකියාවන් පරීක්ෂා කරමින් යුධ අභ්යාස මාලාවක් ද සිදු කර ඇති බව ද වාර්තා වේ.