දකුණු ඉන්දියාවේ ආන්දෝලනාත්මක දේශපාලන චරිතයක් වන ජයලලිතා ජයරාම්ගේ ජීවිත කතාව රැගත් ‘තලයිවි’ චිත්‍රපටයේ පූර්ව ප්‍රචාරක පටය අද (23) දින නිකුත් වුණා.
ඒ එහි ප්‍රධාන චරිතය වන ජයලලිතා ජයරාම්ගේ චරිතය නිරූපනය කරන කන්ගනා රනාවුත්ගේ ජන්ම දිනයට සමගාමීවයි.
තලයිවා, තාන්ඩවම් වැනි ජනප්‍රිය චිත්‍රපට අධ්‍යක්ෂණය කල ඒ.එල්. විජේ විසින් අධ්‍යක්ෂණය කල මෙම චිත්‍රපටය එළැඹෙන අප්‍රේල් 23 වනදා තිරගතවීමට නියමිතයි.
සුප්‍රසිද්ධ බාහුබලී චිත්‍රපටය රචනා කල කේ.වී. විජයේන්ද්‍ර ප්‍රසාද් හා චිත්‍රපට රචක මධාන් කර්කි විසින් මෙම චිත්‍රපටය රචනා කර තිබෙනවා.
හින්දි, දමිල හා තෙළිගු යන භාෂා ත්‍රිත්වයෙන්ම මෙම චිත්‍රපටය තිරගතවීමද විශේෂත්වයක්.
ජයලලිතා ජයරාම් යනු 6 වතාවක් තමිල්නාඩු ප්‍රාන්තයේ මහඇමතිවරිය වශයෙන් කටයුතු කල ප්‍රබල දේශපාලන කාන්තාවක් වනවා.
ඇය දේශපාලනයට පිවිසීමට පෙර සිනමා නිළියක ලෙස කටයුතු කළා.
ඇයව දකුණු ඉන්දියානු ජනතාව හැදින්වූයේ ‘අම්මා’ යන නාමයෙන් හා ‘පුරච්චි තලයිවි’ (විප්ලවකාරී නායිකාව) ලෙසයි.
එහි පූර්ව ප්‍රචාරක පටය පහතින්,
