කාශ්මීරයේ ආරක්ෂක තත්වය සහ එහි සන්නද්ධ කණ්ඩායම්වල ක්රියාකාරිත්වය පිළිබද ඉන්දීය මධ්යම රජය දැඩි අවධානයක් යොමු කර ඇතැයි වාර්තා වේ.
ඒ ඇෆ්ගනිස්තානයෙන් ඇමරිකානු සහ නේටෝ හමුදා ඉවත්වෙමින් ඇති පසුබිමක උතුරු ඇෆ්ගනිස්තානයේ ප්රදේශ ගණනාවක් තලේබාන් ග්රහණයට ලක්වීම හේතුවෙනි.
මෙම ප්රදේශ හරහා කාශ්මීරයේ ත්රස්ත කණ්ඩායම්වලට විවිධ පහසුකම් ලැබීමට ඉඩක් ඇති බව ඉන්දීය ආරක්ෂක විශේෂඥයන් පෙන්වා දී ඇතැයි DW පුවත් සේවය වාර්තා කර තිබේ.
උතුරු ඇෆ්ගනිස්තානයේ ප්රදේශ ගණනාවක් මේ වනවිට තලේබාන් ග්රහණයට නතුවී ඇති අතර ඇෆ්ගන් හමුදාවේ විශාල භට පිරිසක් අසල්වැසි තජිකිස්තානයට පළාගොස් ඇතැයිද වාර්තා විය.
රුසියානු විදේශ ඇමති සර්ජි ලැව්රෝයි පසුගියදා ප්රකාශ කර තිබුණේ උතුරු ඇෆ්ගනිස්තානයේ අයිඑස්අයිඑස් බලය ව්යාප්තවීම පිළිබදව රුසියාවේ විශේෂ අවධානයක් යොමුව ඇති බවයි.